Nengeulaula 13:43 - Manobo Western Bukidnon

⁴³ Ne zutun te ked-awè dan puun te simbahan, mezakel is menge etew he nemenduma ki Pablo wey ki Bernabe. Elin dutun is menge Hudiyu wey kenà menge Hudiyu he edsimba zuma te menge Hudiyu. Mibpekibitiyara kandan ensi Pablo. Ne midsembag̵an dan sikandan he kenè dan engkezi is kedsarig dan te g̵ag̵ew te Megbevayà.

Nengeulaula 13:43 Кръстосани препратки

Mateo 23:15

Kehizu niw te menge menunudlù te kesug̵uan wey sikiyu is menge Perisiyu su tarù is kedtuu niw te Megbevayà! Edlayun kew te zag̵at ne edhipenawen niw is meluag he tanà wey niw mekabig is etew; ne is egkekabig niw, edhimuen niw he tuwas pa he zait sikandin he edsilutan diyà te Impirnu, kenà sikiyu.

Nengeulaula 11:23

Ne hein nekeuma si Bernabe, neehè din he utew zekelà is tuvad te Megbevayà te menge etew, ne heini, utew zin ingkelipey. Inhangyù din kandan he hemeni zan wey heg̵eta zan is kedtuu zan te Nengazen.

Nengeulaula 13:50

Ne is menge punuan dutun te inged he Entiyukya wey is menge vai he ed-azap te Megbevayà, midhimu sikandan te menge Hudiyu he mengepauk dan ki Pablo wey ki Bernabe. Ne midsegseg dan haazà is dezuwa zutun te inged.

Nengeulaula 14:22

Ne impesavut dan te menge tumutuu zutun is ibmezesen te kedtuu zan. Migkag̵i zan kandan he kinahanglan he kenè dan engkezi is kedtuu zan ki Jesus. Ke sikandan te, “Sikita is tumutuu, wey ki zà egkehedii te Megbevayà ke egkeantus ta is mezakel he kemereg̵enan.”

Nengeulaula 14:3

Ne malù netegteg̵aad is ked-ubpà te menge epustul, si Pablo wey si Bernabe, dutun te Ikunya. Wazè dan ikehandek is kedsengyawa zan te keag̵i te Nengazen. Ne midtuvazan sikandan te Nengazen su mibeg̵ayan din sikandan te g̵ehem wey zan ikepaahà is menge singyal wey egkein-inuwan he iyan timaan he tutuu is impenudtul zan he g̵ag̵ew te Nengazen.

Nengeulaula 16:14

Is sevaha zutun te menge vahi, ne egngezanan ki Lydia he tigTiyetira he zutun ed-ubpà te inged he Pilipus. Iyan petig̵ayun din is ebpemelegyà te manggad he merudtem. Edsimba sikandin te Megbevayà. Midtuvazan sikandin te Megbevayà wey mekezawat te ibpesavut ni Pablo.

Nengeulaula 17:17

Ne tenged dutun, midseled sikandin diyà te simbahan te menge Hudiyu, ne mibpekidibati sikandin te menge Hudiyu wey te kenà menge Hudiyu he edsimba zaan te Megbevayà. Ne minsan daan diyà te mirkadu ebpekidibati sikandin te minsan hentei he zutun.

Nengeulaula 17:34

Duen menge etew zutun he neketuu ki Jesus ne midsunud dan ki Pablo. Iyan haazà ensi Dionisio, is sevaha he zatù dutun te Eriyupagu wey elin daan is bahi he egngezanan ki Demaris wey zuen pa menge zuma zutun he neketuu.

Nengeulaula 17:4

Ne zutun neketuu is duma he menge Hudiyu ne midsunud ki Pablo wey ki Silas. Mezakel zaan is nemeketuu he menge Gerisyahanen he zaan he edsimba te Megbevayà, wey elin daan nemeketuu is mezakel te menge vai zutun te inged.

Nengeulaula 18:7

Ne mid-ewaan din sikandan ne midhendiyà te valey ni Tito Hustu, sevaha he etew he kenà Hudiyu he midtuu zaan te Megbevayà. Nekesiringan is baley zin te simbahan te menge Hudiyu.

Nengeulaula 2:10

menge tigPrigya, menge tigPempilya, menge tig-Ihiptu wey ebpemuun te menge inged diyà te Libya he uvey te Sirini. Ne zuen daan dini minsan menge tigRuma he menge Hudiyu wey kenà menge Hudiyu he nemeketuu zaan te tinuuwan te menge Hudiyu.

Nengeulaula 28:23

Ne midtelaan dan is andew ne hein netuman haazà, mezakel is menge Hudiyu he nengetig̵um dutun te ed-ubpaan ni Pablo. Ne nehepunan si Pablo is edseysey wey ebpesavut kandan ke egkemenumenu is kedhadì te Megbevayà. Impesavut din kandan is insurat dengan ni Moises dutun te kesug̵uan wey is insurat daan te ebpemeneuven te Megbevayà su wey meketuu sikandan he iyan si Jesus sikan is hadì.

Nengeulaula 6:5

Ne hein nezineg haazà te menge tumutuu, nengesuat dan dutun te sambag te menge epustul. Ne mibpilì dan si Esteban. Ne si Esteban, utew mezesen is kedtuu zin wey nepurung sikandin ulini te Wag̵as he Mulin-ulin. Ne elin dutun te nepilì dan si Felipe, si Pukuru, si Nikenur, si Timen, si Perminas, wey si Nikulas he tig-Entiyukya. Ne haazà si Nikulas, kenà Hudiyu, iyan, neketuu zengan te tinuuwan te menge Hudiyu.

Ruma 11:6

Umba mibpilì din sikandan su tenged dà te g̵ag̵ew zin kandan ne kenà tenged te mid-ulaula zan te egkesuatan din. Ne emun suhul kandan haazà is kebpilia zin kandan tenged te menge ulaula zan he meupiya, ne kenà egkehimu he tenged te g̵ag̵ew zin dà mibpilì din sikandan.

Ruma 3:24

Iyan, tenged dà te g̵ag̵ew kenitew te Megbevayà ed-isipen kiw zin gihapun he metazeng he henduen be te wazè kiw mekeulaula te mezaat su midlibri kiw ni Jesu Kristu.

Ruma 5:2

Tenged te kedtuu tew ki Jesus midhimu zin en he meg̵eg̵awi kenitew is Megbevayà. Umba zekelà is kelipey ta su egkeperateng ta he keuzemà ebpekeambit ki te utew kegkelavew te Megbevayà.

Ruma 5:21

Ne hein aney, sikitew is menusiyà, kenà egkehimu he kenè ki ebpekesalà, ne tenged kayi ebpatey ki, iyan, guntaan pinaag̵i te ked-isipa te Megbevayà kenitew he metazeng, impeehè kenitew te Megbevayà is gag̵ew zin su wey kiw zin meveg̵ayi te untung he wazè din pidtemanan pinaag̵i ki Jesu Kristu he iyan Nengazen tew.

2 Kurintu 5:11

Ne g̵eina te netuenan dey he utew mekehandekhandek keuzemà haazà is kedsusiya te Nengazen te menge ulaula te menusiyà, edhimuwen dey pezem is taman te egkehimu zey wey meketuu is menge etew. Netuenan te Megbavayà he kenà mezaat is tuyù dey, ne egkesuatan ku he metueni niw zaan heini.

2 Kurintu 6:1

Ne g̵eina te nehimu key en he menge timbang te Megbevayà, edhengyuan dey sikiyu he himuwa niw he mebpulus is gag̵ew zin keniyu.

Gelasya 5:1

Pinaag̵i te kebelukasi kenitew ni Kristu, nelibri kiw en te kedtumana te kesug̵uan. Umba, kinahanglan he edsukul kiw is mibelukasan su wey kenè kiw en maan meuripen.

Gelasya 5:4

Is minsan hentei keniyu he kunaan din ke pinaag̵i te kedtumana te kesug̵uan is kebpeketezenga kandin te Megbevayà, nekesuwey en sikandin ki Kristu. Neewaan din en is gag̵ew te Megbevayà kandin.

Ipisu 2:8

Su tenged dà te g̵ag̵ew zin kenita, midlibri ki zin te silut dutun te kebpeketuu ta. Wazè ki melibri pinaag̵i te kenita he vaal,

Pilipus 3:16

Iyan, kinahanglan guntaan he edtumanen tew is daan he impenurù kenitew te Megbevayà.

Pilipus 4:1

Umba menge minahal ku he menge suled, heg̵eta niw is kedtumana niw te menge sug̵ù te Nengazen. Utew a mibulung keniyu. Igkelipey ku sikiyu wey ibmeupiya kew te g̵ehinawa ku.

Kulusas 1:23

Iyan, kinahanglan he kenè niw engkezi is kedtuu te tutuu he tuluuwen, kekenà, lig-eni niw is kedtuu niw ne kenè kew medarà is ebpaabut te langun he impenaad te Megbevayà he nezineg niw zengan hein impenurù keniyu is Meupiya he Tudtulanen. Heini is nekag̵i he Meupiya he Tudtulanen, ne insangyew ziyà te menge etew ziyà te minsan hendei. Siak si Pablo, midsug̵ù a wey ku ikesangyew is Meupiya he Tudtulanen.

Kulusas 1:28

Sikami, idsangyew zey si Kristu; edleg̵uyan dey is minsan hentei, wey ebpenurù key kandan ebpurung sumalà is egkehimu zey he ketau su wey meketuu is langun ki Kristu, ne wey sikandan keuzemà ikepeetuvang diyà te Megbevayà he wazà kurang te kedtuu zan.

Tito 2:11

Impeg̵awag̵awa en guntaan is gag̵ew te Megbevayà su wey mehimu he melibri te silut is tivuuk he menusiyà.

Hibriyuhanen 12:15

Bantey kew su kela ke zuen duma keniyu he kenà edawat te g̵ag̵ew te Megbevayà. Su is iring kayi he etew, ne ebpekeiring te sagbet he ebpemeg̵as te mepait he ebpekehilu. Ebpekesamuk sikandin te menge tumutuu ne mezakel he etew is ebpekeiring kandin te ed-ulaula te mezaat.

Hibriyuhanen 13:9

Umba, kenè niw tuuwi is menge selakew he tuluuwen he kenà iyan kes tutuu he impenurù keniyu. Iyan hustu he ibmelig-en te kedtuu tew is kedtevangi kenitew te Megbevayà, ne kenà iyan is kedlikayi te menge egkeenen he indawey te kesug̵uan su wazà heini ikezeyzey te menge etew he ebantey kayi.

1 Pedro 5:12

Mid-ug̵upan a ni Silvanu te edsurat kayi. Suled tew sikandin he utew egkeserig̵i. Iyan insurati ku keniyu kayi su wey ku meheg̵et is kedtuu niw. Ibpesavut ku keniyu he impenurù ku en keniyu he tutuu is gag̵ew te Megbevayà keniyu. Ne kenè niw heini lipati.

2 Pedro 3:14

Na menge suled, geina te kemulu tew pa edteg̵azi haazà is andew, kinahanglan he ebpurungan tew edtengkai is menge ulaula tew su wey wazà igkesewayi kenitew te Megbevayà ne wey melinew is kedepità te uman sevaha kenitew ziyà te kandin.

1 Juan 2:28

Ne tenged kayi te langun, menge anak ku, hemeni niw is kebpekidsevaha niw ki Kristu su wey kenè kew mahandek ne kenè kew egkeeled keuzemà dutun te kedlikù din.

2 Juan 1:9

Ke zuen etew he ed-engkezan din is tutuu he tuluuwen he impenurù ni Kristu su iyan edhemenan din is tarù he tuluuwen he in-uman din dutun, wazà sikandin mebpekidsevaha te Megbevayà. Is minsan hentei mulà he edhemenan din is tutuu he tuluuwen, iyan sikandin mibpekidsevaha te Amey tew he Megbevayà wey is Anak din.