Nengeulaula 13:35 - Manobo Western Bukidnon

³⁵ Ne zuen pa netagnà ni David he menge lalag ni Jesus he edhenduen te, ‘Siak is metinumanen he sulug̵uen nu, kenè nu ebmehimuwen he meredak is lawa ku ziyà te leveng.’

Nengeulaula 13:35 Кръстосани препратки

Lucas 2:26

Ne impesavut kandin he zaan te Wag̵as he Mulin-ulin he kenà tekew en ebpatey taman te kenè din pa egkeahà is impenaad he etew he nepilì te Nengazen he ibpahadì din te menusiyà.

Juan 3:36

Is minsan hentei he edtuu te Anak te Megbevayà, ebeg̵ayan sikandin te untung he wazà pidtemanan; is minsan hentei he kenà ebpemineg te menge sug̵ù te Anak te Megbevayà, kenà egkeveg̵ayan te untung he wazà pidtemanan, kekenà, wazà pidtemanan te kegkepeuki kandin te Megbevayà.

Juan 8:51

Utew venar is egkeg̵iyen ku keniyu he is minsan hentei he edtuman te ibpenurù ku kandin, kenè en ebpekeag̵i te kemetayen!”

Hibriyuhanen 11:5

Ne si Inuk daan. Tenged te kedtuu zin wazà sikandin mebpatey su midtulus sikandin te Megbevayà ne kenè en sikandin egkeahà dini te kelibutan su ziyè en sikandin te Megbevayà. Duen insurat he Lalag te Megbevayà he ibpesavut he te wazè pa tulusa si Inuk, nesuat is Megbevayà te menge ulaula zin.