Nengeulaula 13:33 - Manobo Western Bukidnon

³³ Ne sikitew is menge kevuwazan dan, midhimu zin dini te kenitew is impenaad din kandan ne mibanhew zin si Jesus. Su zuen migkag̵i te Megbevayà dutun te libru te menge Salmo he insurat dengan dutun te ikezuwa he Salmo he edhenduen te, ‘Iyan ka Anak ku ne g̵untaan ibpeehè ku he Amey a kenikew.’

Nengeulaula 13:33 Кръстосани препратки

Juan 2:22

Ne neug̵et pa zutun hein nevanhew en si Jesus, netenuzan te menge sumusundan din heini is migkag̵i zin dutun, ne human dan dutun mesavut he tutuu is netagnà te insurat he Lalag te Megbevayà mehitenged te kegkevanhew ni Jesus wey tutuu zaan is midtagnà ni Jesus.

Nengeulaula 13:30

Ne mibanhew sikandin te Megbevayà.

Nengeulaula 13:34

Ne impenaad daan dengan te Megbevayà is kebenhawa zin ki Jesus wey is kenè din kebmehimuwa he meredak is lawa ni Jesus su ke sikandin te, ‘Kes menge tuvad he impenaad ku ki David, siguradu idtuvad ku keniyu.’

Nengeulaula 13:37

Iyan, si Jesus mulà, he mibanhew te Megbevayà, ne wazà mulà meredak is lawa zin.

Nengeulaula 2:24

Iyan, midlibri si Jesus te Megbevayà ne mibanhew zin su kenà egkehimu he egkevakus si Jesus te kemetayen.

Nengeulaula 2:32

Ne ke si Pedro te, “Iyan egkeg̵iyen din si Jesus he mibanhew te Megbevayà. Ne is langun te sikami, ebpeketistig̵us key he nevanhew su neehè en te menge mata zey.

Nengeulaula 9:20

Ne zutun midseled te simbahan te menge Hudiyu ne impenurù din is keag̵i ni Jesus. Ne ke sikandin te, “Si Jesus, Anak te Megbevayà.”

Hibriyuhanen 5:5

Ne iring din ded daan wazà iyan si Kristu mebpilì te keugelingen din wey mehimu sikandin he mekeg̵eg̵ehem he lavew he memumuhat tew, kekenà, iyan is Megbevayà su migkag̵i kandin is Megbevayà te, “Iyan ka Anak ku. Ne egkeg̵iyen ku he g̵untaan ibpeehè ku he Amey a kenikew.”