Nengeulaula 13:32 - Manobo Western Bukidnon

³² Ne sikami zaan,” ke si Pablo, “dini key g̵untaan su ibpesavut dey keniyu is Meupiya he Tudtulanen. Duen ed-ul-ulahan te Megbevayà he impenaad din dengan te menge kepuun tew.

Nengeulaula 13:32 Кръстосани препратки

Lucas 1:19

Ne midtavak haazà is belinsug̵uen te Megbevayà te, “Iyan a si Gabriel, sikan is sulug̵uen te Megbevayà he layun diyà te etuvangan din. Midsug̵ù e zin dini te kenikew wey ku ikepesavut heini is tudtul te utew meupiya he egkeulaula.

Lucas 2:10

Ne migkag̵i haazà is belinsug̵uen te Megbevayà te, “Kenè kew mahandek su midsug̵ù a zini wey ku sikiyu mepenudtuli te utew meupiya he tudtul he iyan utew igkelipey te tivuuk he menusiyà.

Nengeulaula 10:36

Netuenan niw en is Meupiya he Tudtulanen he impesavut te Megbevayà kenami te menge kevuwazan ni Israyil su pinaag̵i ki Jesu Kristu he iyan Nengazen te langun he menge etew, impesavut din he egkeawà is pauk te Megbevayà kenitew.

Nengeulaula 13:23

Na,” ke si Pablo, “si Jesus, is sevaha he kevuwazan ni Hadì David, iyan impenaad te Megbevayà he edlibri kenitew te kevuwazan ni Israyil wey kiw kenà mesiluti.

Nengeulaula 13:38

Kinahanglan, menge suled, he sevuta niw he tenged ki Jesus, ibpesavut dey en keniyu he ebpeseyluwen kiw te Megbevayà te memezaat he ulaula.

Nengeulaula 14:15

“Maan is ed-ezapen key keniyu, menge suled? Menge etew key zà daan; menusiyè key zaan iring keniyu! Midhendini key te inged niw wey zey ikepesavut keniyu is Meupiya he Tudtulanen wey niw meengkezi heini is menge ulaula niw he wazè din pulus ne wey niw zaan tuuwi is Megbevayà he wazè din kemetayen. Iyan sikandin nenlimbag te langit wey tanà wey zag̵at wey is minsan hengkey he tag̵ù kayi.

Nengeulaula 26:6

Ne g̵untaan dini ad te etuvangan nu tenged dà te edtuuwen ku he egketuman keuzemà is impesarig dengan te Megbevayà diyà te menge kepuun tew.

Nengeulaula 3:19

Ne g̵untaan kinahanglan he ed-iniyug̵an tew en is memezaat he ulaula. Ed-empuan tew is Nengazen ne ebpeseyluwen kiw zin te menge salè tew. Ne zutun duen timpu he ebeg̵ayan is gehinawa tew te zesen he ziyà ebpuun te kandin.

Nengeulaula 5:42

Ne te kada andew ziyè dan gihapun te simbahan wey ziyà te menge valey is ebpenurù te Meupiya he Tudtulanen te keag̵i ni Jesus, sikan is mibpilì te Megbevayà he ibpahadì.

Ruma 10:15

Ne wey zà egkehimu is ebpenudtul ke edsug̵uen sikandin te Megbevayà. Ne zuen iyan midsug̵ù te Megbevayà su iring te migkag̵i ziyà te insurat he Lalag te Megbevayà he “Utew igkeg̵alew is kebpekeuma te menge etew he edsangyew te Meupiya he Tudtulanen.”

Ruma 4:13

Dengan dà impenaad te Megbevayà ki Abraham wey te menge kevuwazan din he iyan sikandan ebpekevayàbayà te tivuuk he menusiyà. Umba impenaad heini, kenà tenged te midtuman ni Abraham is kesug̵uan, kekenà, tenged te midtuuwan ni Abraham is Megbevayà, ne tenged kayi te kedtuu zin mid-isip te Megbevayà sikandin he metazeng.

Ruma 9:4

Su menge kevuwazan daan sikandan ni Israyil; mid-anak-anak sikandan dengan te Megbevayà. Ne impeehè din kandan is mekeg̵eg̵ehem he anlag din, ne zuen menge midtukud din he paag̵i te kedtuvazi zin kandan, ne imbeg̵ey zin kandan is kesug̵uan, ne impenurù din kandan is paag̵i te ked-ezapa kandin. Ne mezakel pa is meupiya he penaad din kandan.