Nengeulaula 13:2 - Manobo Western Bukidnon

² Ne zutun te ked-azap dan te Nengazen wey kedsalang dan te egkaan su ed-ampù dan, duen impesavut te Wag̵as he Mulin-ulin kandan. Ke sikandin te, “Ipeveyveyai niw kedì si Bernabe wey si Seulu su wey zan meveeli is ibpeveelan ku kandan.”

Nengeulaula 13:2 Кръстосани препратки

Mateo 17:21

Iyan, sikan he kelasi te mezaat he mulin-ulin, igkepaawà pinaag̵i zà te ked-ampù wey pinaag̵i te kedsalang te kegkaan. Wazà duma he paag̵i.”

Mateo 6:16

Ne emun edsalang kew egkaan su ebpengampù kew ziyà te Megbevayà, kenè niw ipetuusi pinaag̵i te kebuvuked niw iring te menge etew he egkesuat he mezalig sikandan te menge zuma he etew. Edrig̵urig̵u zan, ne kenè dan ebpendapug wey kenè dan ebpenuwat su wey metueni te menge etew he edsalang dan egkaan. Egkeg̵iyen ku keniyu he nezawat dan en is kedelig̵a kandan te menge etew. Ne wazè en duma pa he suhul he egkezawat dan he ebpuun te Megbevayà.

Mateo 9:38

Iampù niw ziyà te Nengazen he sug̵ua zin pa zini te kamet din is duma pa he ebpekelegtey.”

Lucas 10:1

Ne hein neipus heini, duen daan kepituwan wey zewuwa he menge maama he nepilì te Nengazen he si Jesus su ibpehuna zin ibpehipanew te tigduwazuwa ziyà te langun he menge inged he ebpemeyaan din daan.

Lucas 2:37

Ne menge keweluwan wey heepat en he tuig is kegkevalu zin. Ne layun sikandin diyà te simbahan su andew wey se mezukilem ne edsimba sikandin te Megbevayà, ne zuen timpu he kenà sikandin egkaan su wey zin utew mepurungi is ked-ampù din diyà te Megbevayà.

Nengeulaula 10:19

Ne si Pedro zutun, kemulu zin pa ed-isipa ke hengkey is ibpesavut te neehè din. Ne zutun migkeg̵iyan sikandin te Wag̵as he Mulin-ulin te, “Duen tetelu he etew he ebpen-ahà kenikew.

Nengeulaula 10:30

Ne midtavak si Cornelio te, “Heepat en he andew g̵untaan, te iring kayi he uras dini a te valey te liwazè en ebpenaug is andew su ed-ampù a. Netekewtekew a te mibpaahà kedì is maama he ebpenganlag is bisti zin.

Nengeulaula 13:3

Ne mid-uman dan medsalang te egkaan ne mid-ampù dan diyà te Megbevayà, ne zutun indepenet dan is belad dan ki Bernabe wey ki Seulu ne impeg̵enat dan sikandan.

Nengeulaula 13:4

Ne haazà is dezuwa, geina te midsug̵ù sikandan te Wag̵as he Mulin-ulin, midlazas dan pehendiyà te inged he Silusya ne zutun mid-untud dan te barku su edhendiyè dan te pulu te zag̵at he egngezanan te Sipru.

Nengeulaula 14:26

su ed-ulì dan diyà te inged he Entiyukya. Su is Entiyukya, iyan mibpuunan dan he inged hein aney iampù te menge tumutuu he elimahi sikandan te Megbevayà dutun te mibpeveelan din kandan he nepasad dan en.

Nengeulaula 20:28

Bentayi niw is ulaula niw wey ventayi niw zaan is langun he tumutuu he insarig keniyu te Wag̵as he Mulin-ulin; kinahanglan he iyan kew edlig-en te kedtuu te menge tumutuu te Megbevayà. Nehimu kiw zin he sakup pinaag̵i te kebpehimatey te anak din.

Nengeulaula 22:21

Ne migkag̵i en maan is Nengazen te, ‘Genat ke en su edsug̵uen ku sikew ziyà te meziyù wey nu ikepesavut is lalag ku ziyà te kenà menge Hudiyu.’ ”

Nengeulaula 4:36

Ne zuen duma zan he tigSipru he Hudiyu zaan he kevuwazan duen te tipehuna he si Levi. Iyan ngazan din si Jose ne migeraran te menge epustul ki Bernabe he ke và dà egkeg̵iya, ebpekeveg̵ey te kezesen te kedtuu.

Nengeulaula 6:4

Ne sikami mulà, is menge epustul, egkehimu he ebpurungan dey is baal zey te ked-ampù wey kebpesavut te Lalag te Megbevayà.”

Nengeulaula 8:29

Ne zutun migkeg̵iyan si Felipe te Wag̵as he Mulin-ulin te, “Hendiyè ka ne uvayi nu heeyan is kelisa.”

Nengeulaula 9:15

Ne migkeg̵iyan si Eneniyas te Nengazen te, “Beyai nu su nepilì ku sikandin wey zin ikesangyew is ngazan ku ziyà te menge etew he kenà Hudiyu wey minsan diyà te menge hadì wey ziyà daan te menge zuma nu he kevuwazan ni Israyil.

Ruma 1:1

Iyan a si Pablo is teg̵isurat kayi. Uripen a ni Jesu Kristu ne midhimu e zin daan he epustul. Impenaad dengan te Megbevayà pinaag̵i te impesurat din te menge ebpeneuven din he zuen timpu he zuen Meupiya he Tudtulanen he ibpesavut kenitew. Umba mibpilì a he epustul su wey a mekepenudtul kayi te Meupiya he Tudtulanen.

Ruma 10:15

Ne wey zà egkehimu is ebpenudtul ke edsug̵uen sikandin te Megbevayà. Ne zuen iyan midsug̵ù te Megbevayà su iring te migkag̵i ziyà te insurat he Lalag te Megbevayà he “Utew igkeg̵alew is kebpekeuma te menge etew he edsangyew te Meupiya he Tudtulanen.”

Ruma 15:16

wey a mehimu he sug̵ù ni Jesu Kristu ziyan te keniyu te menge etew he kenà menge Hudiyu. Henduen te memumuhat a su ke pinaag̵i kedì ebpeketuu is menge etew; egkehimu zan he iring te pemuhat ku he pinaag̵i te kedlumpiyuwi kandan te Wag̵as he Mulin-ulin edewaten te Megbevayà.

1 Kurintu 12:11

Ne is langun kayi he menge ketau, ne ziyà ebpuun te Wag̵as he Mulin-ulin, minsan pa kayi te wazà med-iring-iring he ketau he ibeg̵ey zin sumalà is gustu zin he ibeg̵ey ziyà te kada sevaha.

1 Kurintu 7:5

Kenè niw iengked is lawa niw ziyà te esawa niw. Iyan, para kenà mesamuk is ked-ampù niw egkehimu he iengked niw emun neuyunan niw, asal taman dà te egkepipira he andew. Ne emun egketapus haazà is neuyunan niw, ne kinahanglan he ebpehulizè kew en maan su kela ke kenè niw meeg̵en is suat niw ne egkepenulayan kew ni Setanas.

2 Kurintu 11:27

Midhag̵ù a is edterebahu; layun a egkepurang; layun a egkevitil; ne layun a egkemezahi. Layun a kurang te egkeenen wey layun a egkealang-alang te egkeubpaan wey ugelingen.

2 Kurintu 6:5

Mibug̵el key, mibpirisu key, mibpesipelahan key te edsinamuk. Duen timpu he utew subra is terebahu zey ne nepurang key ne nevitil key zaan.

Gelasya 1:15

Ne minsan pa zutun, ingkeg̵ag̵ew a te Megbevayà ne mibpilì e zin he sulug̵uen din te wazè e pa ianak ne nehimu zin he meketuu a kandin.

Ipisu 3:7

Nehimu a he sulug̵uen te Megbevayà te kedsengyawa te Meupiya he Tudtulanen. Tenged dà te g̵ag̵ew zin kediey wey pinaag̵i te g̵ehem din imbeg̵ey zin kediey heini is ketengdanan.

Kulusas 4:17

Keg̵iya niw ki Erkipu he purungi zin beeli is ebpeveelan kandin te Nengazen su sulug̵uen sikandin te Megbevayà.

1 Timoteo 2:7

Ne tenged kayi intezù e zin he epustul ne midsug̵ù e zin wey ku ipenurù heini. Kenà tarù heini is egkeg̵iyen ku, kekenà, tutuu. Midtezù e zin wey ku mepenurù is menge etew he kenà Hudiyu su wey zan meketuu te tutuu he tuluuwen.

2 Timoteo 1:11

Ne siak, midtezù a te Megbevayà wey a mehimu he epustul ne wey ku ikesangyew wey ipenurù haazà is Meupiya he Tudtulanen,

2 Timoteo 2:2

Nezineg nu is kebpenurua ku te tutuu he tuluuwen diyà te mezakel he menge tumutuu; ne kinahanglan he ipenurù nu zaan heini diyà te menge etew he egkeserig̵an nu su wey mekepenurù dan daan te zuma.

2 Timoteo 4:11

Iyan dà duma ku kayi, si Lucas. Tuluya nu si Marcos ne zumaha nu zini su zekelà is tavang din kedì te langun he ed-ul-ulahan ku kayi.

2 Timoteo 4:5

Iyan, sikew mulà, tengkai nu is ed-ul-ulahan nu te minsan keenu he timpu. Entusa nu is kemereg̵enan. Peniguduwi nu te edsangyew is Meupiya he Tudtulanen. Purungi nu tumana is langun he ebpeveelan kenikew te Megbevayà.

Hibriyuhanen 5:4

Utew telehuzen is lavew he memumuhat, iyan, wazà minsan hentei he ebpekehimu he ebpilì te keugelingen din wey mehimu sikandin he lavew he memumuhat su iyan ebpilì kandin is Megbevayà iring te mibpilì din dengan si Arun.