Nengeulaula 13:13 - Manobo Western Bukidnon

¹³ Ne si Pablo wey is menge zuma zin, mid-awè dan dutun te inged he Pepus ne mid-untud dan te barku. Ne midhendiyè dan te prubinsya he Pempilya, diyà te inged he Pirga. Ne si Juan mulà, mid-ewaan din sikandan ne mid-ulì diyà te Hiruselim.

Nengeulaula 13:13 Кръстосани препратки

Nengeulaula 12:12

Ne zutun te kegkesevuta zin kayi te langun, midlaus diyà te valey ni Maria, sikan is iney ni Juan he iyan kes Juan he ed-umawen daan ki Marcos. Ne zutun te valey mezakel is nengetig̵um he menge tumutuu su ed-ampù dan diyà te Megbevayà.

Nengeulaula 15:36

Ne hein neug̵et en dutun, migkeg̵iyan ni Pablo si Bernabe te, “Edlikuan ta nasì te edlauy is menge tumutuu ziyà te menge inged he mibpesevutan ta te Lalag te Nengazen.”

Nengeulaula 15:38

iyan, kenà mulà egkesuat si Pablo he mezuma si Juan Marcos su mid-engked sikandin he edtavang kandan ne mid-ewaan din sikandan dengan hein diyè dan te Pempilya.

Nengeulaula 2:10

menge tigPrigya, menge tigPempilya, menge tig-Ihiptu wey ebpemuun te menge inged diyà te Libya he uvey te Sirini. Ne zuen daan dini minsan menge tigRuma he menge Hudiyu wey kenà menge Hudiyu he nemeketuu zaan te tinuuwan te menge Hudiyu.

Nengeulaula 27:13

Ne zutun ebpuun en ebpengeramag, asal kenà mevendes he ziyà ebpuun te zapit te Libya. Ne kunaan dan ke iyan edtuman is neisip dan, umba midtines dan is perivatu zutun te barku ne migenat key. Ne wazè key mebpekeziyù te veyvey te pulu he Krita.

Nengeulaula 27:5

Ne hein nekerapas key en te zag̵at he ziyà te uvey te menge prubinsya he Silisya wey Pempilya, midunggù key ziyà te inged he Mira he ziyà te prubinsya he Lisya.

Kulusas 4:10

Ebpengemusta keniyu si Eristarku he zuma ku he pirisu. Si Marcos, is id-ag̵ew ni Bernabe, ne ebpengemusta zaan keniyu. Gelg̵elawa niw sikandin emun ebpekeuma ziyan. Netuenan niw en is intelaan ku keniyu mehitenged kandin.

2 Timoteo 4:11

Iyan dà duma ku kayi, si Lucas. Tuluya nu si Marcos ne zumaha nu zini su zekelà is tavang din kedì te langun he ed-ul-ulahan ku kayi.