Nengeulaula 12:6 - Manobo Western Bukidnon

⁶ Ne zutun te kezukileman he emun egkepawà dutun ibpeetuvang ni Hadì Hirudis si Pedro te menge etew, ne si Pedro, diyà ipehizeg̵à te teliwazà te zezuwa he sundaru. Midhiketan sikandin te zezuwa he kedina ne zuen daan menge sundaru he impevantey zutun te g̵emawan te pirisuwan.

Nengeulaula 12:6 Кръстосани препратки

Mateo 28:4

Ne nengehandek utew sikan is ebantey zutun he menge sundaru ne nengetentanan dan is wazà memekewaleng he ebpengerkeren.

Nengeulaula 12:5

Ne tenged dutun diyà si Pedro te seled te pirisuwan he ebentayan dutun te menge sundaru. Ne nenigudu med-ampù is menge tumutuu su edhengyuen dan diyà te Megbevayà he tevangi zin si Pedro.

Nengeulaula 21:33

Ne haazà is kepitan, mibeyaan din si Pablo ne midakep din ne insug̵ù din he hiketi sikandin te zezuwa he kedina. Ne zutun in-insè din te menge etew ke hentei haazà is etew ne hengkey is salè din.

Nengeulaula 28:20

Umba mibpenenawag a keniyu su wey a mekepekidlalag keniyu. Su nepusasan a tenged te kedtuu ku te hadì he ibulus he ebpeebuten tew te menge Hudiyu.”

Nengeulaula 5:23

“Hein nekeuma key ziyà te pirisuwan, neehè dey he nepurungan melekevi is gemawan ne is menge vantey, dutun dan te uvey te g̵emawan, iyan, te kebpuwas dey wazè dey naahà diyà te seled,” ke sikandan.

Ipisu 6:20

Umba nehimu a he sulug̵uen te Megbevayà su wey ku ikepenudtul heini is Meupiya he Tudtulanen. Ne tenged daan kayi te kebpenudtul ku, nehimu a he pirisu. Umba, menge suled, iampù a su wey kenà a mahandek te kebpenudtul su iyan heini ketengdanan he imbeg̵ey kediey te Megbevayà.

2 Timoteo 1:16

Iyan, berakat he mehizuwi te Nengazen si Unisipuru wey pemilya zin. Su layun e zin edtevangi kayi te menge keseengan ku. Wazè din ikeeled is kebpenumbaley zin kedì te pinirisu,

Hibriyuhanen 13:6

Umba, menge suled, dekelà is kedsarig ta te Megbevayà ne ebpekekag̵i ki te, “Iyan edtavang kedì is Megbevayà, umba kenà a egkehandek te minsan hengkey he ed-ul-ulahan te etew zà duen dini te kediey.”