Nengeulaula 12:5 - Manobo Western Bukidnon

⁵ Ne tenged dutun diyà si Pedro te seled te pirisuwan he ebentayan dutun te menge sundaru. Ne nenigudu med-ampù is menge tumutuu su edhengyuen dan diyà te Megbevayà he tevangi zin si Pedro.

Nengeulaula 12:5 Кръстосани препратки

Mateo 18:19

Ne heini zaan is ibpesavut ku keniyu: ke zuen minsan hengkey he ebuyuen niw ziyà te Megbevayà he neuyunan te minsan dezuwa zà keniyu zini te tanà, ibeg̵ey heini keniyu te Amey ku he Megbevayà he ziyà te langit.

Lucas 18:1

Ne zuen en maan sempità he impezineg ni Jesus te menge sumusundan din. Ibpesavut din kandan dutun he kinahanglan he kenè dan bungasa te layun ked-ampù ne kenà daan med-engked he edsarig te Megbevayà.

Nengeulaula 12:12

Ne zutun te kegkesevuta zin kayi te langun, midlaus diyà te valey ni Maria, sikan is iney ni Juan he iyan kes Juan he ed-umawen daan ki Marcos. Ne zutun te valey mezakel is nengetig̵um he menge tumutuu su ed-ampù dan diyà te Megbevayà.

Nengeulaula 12:4

Ne zutun te kegkezakep ki Pedro, impepirisu sikandin ni Hirudis ne impalad din diyà te heepat he gurupu he menge sundaru he iyan eguwardya kandin. Ne tig-epat he sundaru is kada gurupu. Neisip ni Hirudis he emun egkeipus haazà is pista he egngezanan te Pista te Kedlevayi, ed-imbistigahan din si Pedro ziyà te etuvangan te menge Hudiyu.

Nengeulaula 12:6

Ne zutun te kezukileman he emun egkepawà dutun ibpeetuvang ni Hadì Hirudis si Pedro te menge etew, ne si Pedro, diyà ipehizeg̵à te teliwazà te zezuwa he sundaru. Midhiketan sikandin te zezuwa he kedina ne zuen daan menge sundaru he impevantey zutun te g̵emawan te pirisuwan.

1 Kurintu 12:26

Ne ke egkezeruwan is sengeparti te lawa ta ne egkesekitan is tivuuk he lawa ta. Ne iring din ded daan ke ebpurungan is sengeparti ne igkezeyzey te tivuuk he lawa ta.

2 Kurintu 1:11

Ne kinahanglan he edtevangan key zaan keniyu pinaag̵i te ked-ampù. Ne human egkehimu he mezakel is ebpeselamat te Megbevayà tenged te g̵ag̵ew zin kenami tenged te ked-ampù te mezakel he menge etew.

Hibriyuhanen 13:3

Kenè niw lipati is kedtavang niw te menge tumutuu he pirisu. Purungi niw sikandan he iring te iyan kew nepirisu. Tevangi niw zaan is menge tumutuu he ebpesipelahan he iring te iyan is keugelingen niw he lawa nepesipelahan.

Santiago 5:16

Ne tenged dutun kinahanglan he petudtudtulè kew te menge salè niw su wey iampù te kada sevaha is duma zin ne wey meulii is egkengezeruwan. Utew mekeg̵eg̵ehem is ked-ampù te metazeng he etew.