Nengeulaula 12:17 - Manobo Western Bukidnon

¹⁷ Ne in-uyew zin kandan he kenè dan megurub ne mibpenudtul zin kandan is paag̵i te Nengazen te kedlibriya kandin puun diyà te pirisuwan. Ne migkeg̵iyan din sikandan te, “Tudtuli niw zaan si Santiago wey is menge zuma he suled tew.” Ne mid-awà sikandin dutun, ne midhendiyà te sengeinged.

Nengeulaula 12:17 Кръстосани препратки

Mateo 10:23

Ne emun ebpesipelahan kew zan diyà te sengeinged, pelag̵uy kew pehendiyà te sevaha he inged. Ne venar is egkeg̵iyen ku keniyu he te kenè niw pa egkepasad is ebpeveelan ku keniyu ziyà te langun he menge inged te nasud he Israyil ne edlikù e en is Kakey te Menusiyà.

Lucas 1:22

Ne hein midlawang en sikandin dutun, ne kenè en ebpekekag̵i ziyà te kandan. Ne netuenan dan dutun he zuen impaahà kandin te Megbevayà dutun te seled te simbahan su kenè en ebpekekag̵i ne ebpenguyew-uyew zà sikandin diyà te menge etew. Ne puun dà dutun ne emew sikandin.

Juan 10:40

Ne mid-awà si Jesus dutun te Hiruselim, ne midrapas te wahig he Hurdan ne midhendiyà te tanà he zutun mebpemewtismu si Juan Megbebewtismu zengan. Ne zutun med-ubpà si Jesus.

Juan 11:54

Ne tenged dutun wazè en maan si Jesus mebpeg̵awag̵awa zutun te menge inged te menge Hudiyu, kekenà, midhendiyà te inged he egngezanan te Ipraim he uvey te tanà he kenà ed-ubpaan te etew. Ne zutun sikandin med-ubpà duma te menge sumusundan din.

Juan 13:24

Ne haazà he sumusundan, mid-uyawan ni Simon he iyan kes migeraran ki Pedro. Ke si Pedro te, “Insai nu sikandin ke hentei is egkeg̵iyen din.”

Juan 7:1

Ne hein nepasad ni Jesus haazà is kebpenurù midhendiyà sikandin te prubinsya he Geliliya ne zutun sikandin medrig̵urig̵u. Kenà egkesuat he edrig̵urig̵u ziyà te prubinsya he Hudiya su is menge punuan he menge Hudiyu zutun, ne edhimatey pezem kandin.

Juan 8:59

Ne zutun migkuwa zan te menge vatu su idtuleng kandin su edhimetayen dan pezem, iyan, mid-eles si Jesus ne mid-awà dutun te simbahan he Valey te Megbevayà.

Nengeulaula 1:15

Ne nekepira zutun, nengetig̵um is menge tumutuu, menge nenggatus wey keluwaan sikandan is mibpetemtempuwà dutun; ne midhitindeg si Pedro is egkag̵i te,

Nengeulaula 12:16

Ne wazà med-engked si Pedro he edteg̵uktuk. Ne hein mibpuwasan dan, utew zan nengeinuinu su si Pedro en iyan haazà.

Nengeulaula 12:18

Ne hein nepawà dutun, utew nengeliveg is menge sundaru ziyà te pirisuwan su hendei vuwa si Pedro?

Nengeulaula 13:16

Ne midhitindeg si Pablo ne imbayew zin is belad din su wey zan metueni he zuen egkeg̵iyen din ne migkag̵i te, “Menge zuma ku he kevuwazan ni Israyil wey sikiyu is langun he ed-azap daan te Megbevayà, pemineg̵a niw is egkeg̵iyen ku.

Nengeulaula 15:13

Ne hein neketapus dan is egkag̵i, human megkag̵i si Santiago. Ke sikandin te, “Menge suled, pemineg̵a niw is egkeg̵iyen ku.

Nengeulaula 16:40

Ne mid-awà si Pablo wey si Silas dutun te pirisuwan ne midhendiyè dan te valey ni Lydia. Midlelag̵an dan is menge tumutuu ne midsembag̵an dan wey meheg̵et is kedtuu zan. Ne zutun midlaus dan te hipanew zan.

Nengeulaula 19:33

Kunaan te zuma ke iyan si Alejandro nekesalà su maan is impeetuvang sikandin te menge Hudiyu. Ne si Alejandro, imbayew zin is belad din he tuus te zuen egkeg̵iyen din he ketezengan dutun te menge etew.

Nengeulaula 21:18

Ne nepawà dutun nenumbaley key ki Pablo ziyà te ki Epustul Santiago, ne zutun daan is langun he menge ebmeg̵urangen te menge tumutuu.

Nengeulaula 21:40

Ne midtug̵utan din, ne si Pablo, midhitindeg dutun te heg̵ezan, ne imbayew zin is belad din he tuus te zuen egkeg̵iyen din dutun te menge etew, ne hein mid-engked is keg̵urub dan, migkag̵i si Pablo te kineg̵iyan he Hibriyuhanen.

1 Kurintu 15:7

Ne netapus heini is kebpaahaa kandan, mibpaahà sikandin ki Santiago ne zutun mibpaahà med-uman te langun he menge epustul.

Gelasya 1:19

Ne neehè ku zaan dutun si Santiago, sikan is hazi te Nengazen tew he si Jesus, ne wazà duma he epustul he neehè ku zutun, iyan dà sikandan is dezuwa.

Gelasya 2:9

Ne si Santiago, si Pedro, wey si Juan, haazà is menge egalen dutun, hein nesavut dan he insarig kediey te Megbevayà heini is baal ku, mibpekigkumusta zan kenami ki Bernabe he tuus te teltelezuma key pudu is edtuman te ebpeveelan te Megbevayà. Neuyunan dey he iyan key ebpenudtul ziyà te menge etew he kenà Hudiyu ne iyan dan ebpenudtul ziyà te menge Hudiyu.

Santiago 1:1

Iyan a si Santiago is teg̵isurat kayi. Sulug̵uen a te Megbevayà wey te Nengazen tew he si Jesu Kristu. Kemusta kew is langun he menge g̵aked te Megbevayà he nekedsusuwey zini te tungkup te kelibutan.