Nengeulaula 11:6 - Manobo Western Bukidnon

⁶ Ne midtengtengan ku ne neehè ku is tag̵ù din he menge keranapranap, iring te menge langgam, menge uled, wey menge tagbis.

Nengeulaula 11:6 Кръстосани препратки

Marcos 8:25

Ne zutun mid-umanan dempaa ni Jesus haazà is mata zutun te lakap. Ne zutun mibpurung mebpenlangulangu haazà is lakap ne egkemelmeleg̵an din en is menge etew te ed-ahà su mibmeupiye en is mata zin.

Lucas 4:20

Ne zutun midlulun ni Jesus haazà is belesahan ne induwal zin diyà te miduwal kandin ne mibpinuu su ebpenurù. Ne is langun he menge etew zutun, midtengtengan dan sikandin su ebpemineg dan.

Nengeulaula 10:12

Ne zutun te seled is langun he menge kelasi te keranapranap, iring te menge langgam wey menge uled wey menge tagbis.

Nengeulaula 11:5

Ke sikandin te, “Diyà a te inged he Hupi is ed-ampù ne zuen impaahà kediey te Megbevayà. Neehè ku is midteyuntun he ebpuun te langit he iring te zekelà he layag he midhiketan is heepat he kilid din ne neketanà diyà te uvey ku.

Nengeulaula 11:7

Ne zutun nezineg ku is egkag̵i te, ‘He Pedro, lapè ka wey ka mekekaan.’

Nengeulaula 3:4

Ne midtengtengan sikandin ni Pedro wey ni Juan ne ke si Pedro te, “He Mama, ahaa key kenikew.”