Nengeulaula 11:22 - Manobo Western Bukidnon

²² Heini is neulaula, nezineg te menge tumutuu he ziyà te Hiruselim ne midsug̵ù dan si Bernabe ziyà te Entiyukya.

Nengeulaula 11:22 Кръстосани препратки

Nengeulaula 11:1

Sikan is menge epustul ziyà te prubinsya he Hudiya wey is menge zuma zan he tumutuu he menge Hudiyu, nezineg dan he midawat te menge kenà Hudiyu is Lalag te Megbevayà he impesavut kandan.

Nengeulaula 11:19

Ne zuen menge tumutuu he nememelag̵uy tenged te menge kebpesipelahi zutun te menge edsarig ki Jesus hein mibunù si Esteban. Ne nemekedsusuwey zan pehendiyà te tanà he Pinisi wey te pulu ziyà te zag̵at he egngezanan te Sipru wey ziyè dan daan te inged he Entiyukya. Ne mibpenudtul zan is Lalag te Megbevayà, iyan, diyè dà te menge Hudiyu.

Nengeulaula 11:20

Ne tigSipru wey tigSirini is duma zutun te nemelag̵uy. Ne hein nekeuma zan diyà te Entiyukya, mibpenudtulan dan daan is menge kenà Hudiyu; ne impesavut dan is keag̵i te Nengazen tew he si Jesus.

Nengeulaula 11:26

Ne hein neturedu zin, miduma zin diyà te Entiyukya. Ne seled te sengetuig, diyè dan is dezuwa med-amur te menge tumutuu ziyà te Entiyukya ne mezakel is mibpemenurù dan. Ne ziyà te Entiyukya, sikan is menge sumusundan, aney en gerari he menge Kristiyanus.

Nengeulaula 11:27

Ne zutun he timpu, duen ebpuun diyà te Hiruselim he menge ebpeneuven te Megbevayà he midtupang su edhendiyè dan te inged he Entiyukya.

Nengeulaula 15:2

Ne si Pablo wey si Bernabe, wazè dan dewata haazà is impenurù dutun te menge etew, ne utew mezesen is kebpekidlewanè dan, umba, is menge tumutuu zutun, midsug̵ù dan si Pablo, si Bernabe, wey is duma pa kandan he medhendiyè dan te Hiruselim wey zan ikeinsà haazà diyà te menge epustul wey menge ebmeg̵urangen te menge tumutuu ziyà.

Nengeulaula 15:22

Ne zutun, is menge epustul wey ebmeg̵urangen wey is langun he menge tumutuu he Hudiyu, neisip dan he ebpilì dan te menge zuma zan he ibpezuma zan ki Pablo wey ki Bernabe ziyà te Entiyukya. Ne iyan nepilì dan si Silas wey si Hudas he sevaha he ngazan din si Bersabas. Ne haazà is dezuwa, telehuzen sikandan te menge tumutuu zutun.

Nengeulaula 18:22

Ne hein nekezunggù diyà te inged he Sisarya midlaus sikandin diyà te Hiruselim ne mibpenumbelayan din is menge tumutuu zutun. Ne zutun mid-ulì sikandin diyà te inged he Entiyukya.

Nengeulaula 6:5

Ne hein nezineg haazà te menge tumutuu, nengesuat dan dutun te sambag te menge epustul. Ne mibpilì dan si Esteban. Ne si Esteban, utew mezesen is kedtuu zin wey nepurung sikandin ulini te Wag̵as he Mulin-ulin. Ne elin dutun te nepilì dan si Felipe, si Pukuru, si Nikenur, si Timen, si Perminas, wey si Nikulas he tig-Entiyukya. Ne haazà si Nikulas, kenà Hudiyu, iyan, neketuu zengan te tinuuwan te menge Hudiyu.

Nengeulaula 8:14

Ne nezineg te menge epustul ziyà te Hiruselim he neketuu en te Lalag te Megbevayà is menge tigSemarya. Ne tenged dutun midsug̵ù dan diyà si Pedro wey si Juan.

Nengeulaula 9:27

Ne midtevangan si Seulu ni Bernabe ne miduma zin diyà te menge epustul ne mibpenudtul zin kandan is kebpaahà te Nengazen ki Seulu ziyà te imbayè din, wey is lalag kandin te Nengazen. Ne midtudtul zin daan he si Seulu, minsan te nekuntada zin is menge Hudiyu diyà te Demasku, wazè din kegkehandek te kedsengyawa zin te kedtuu te ngazan ni Jesus.

Gelasya 2:11

Ne malù pa neug̵et dutun nekeuma si Pedro ziyà te kenami, te ziyè key te inged he Entiyukya. Ne hein aney sikandin mekeuma, hustu is mid-ulaula zin su mid-amur he egkaan te menge tumutuu he kenà menge Hudiyu. Iyan, hein nekeuma is menge tumutuu he Hudiyu he midsug̵ù ni Santiago, midlikayan din he mekekaan duma te kenà menge Hudiyu. Ne midsawey ku sikandin su utew keladu he kenà hustu is ed-ul-ulahan din. Umba midlikayan din su nahandek sikandin su kela ke ikesewayi kandin haazà is ulaula zin dutun te menge tumutuu he Hudiyu he egkag̵i he kinahanglan he ebpesirkunsidar is menge tumutuu he kenà menge Hudiyu.

1 Tiselunika 3:6

Ne iyan pa kebpekeuma ni Timoteo he ebpuun diyan te Tiselunika. Ne meupiya is tudtul zin he mezesen ded is kedtuu niw te Megbevayà wey ebmahalen niw zaan diyà te g̵ehinawa niw is menge zuma niw. Ne iyan daan tudtul zin is: utew meupiya is gehinawa niw kenami, ne ebulungen kew kenami iring te kebulunga zey zaan keniyu.