Nengeulaula 11:17 - Manobo Western Bukidnon

¹⁷ Ne emun mibpeulinan sikandan te Megbevayà te Wag̵as he Mulin-ulin iring dutun te kebpeulini zin dengan kenitew te kedtuu tew te Nengazen he si Jesu Kristu, kenà egkehimu he kenè ku edewaten is kebpeulini zin kandan te kenà menge Hudiyu.”

Nengeulaula 11:17 Кръстосани препратки

Nengeulaula 10:45

Is menge tumutuu he Hudiyu he nemekezuma ki Pedro, utew zan nengeinuinu su is Megbevayà, mibpeulinan din daan te Wag̵as he Mulin-ulin is minsan menge etew he kenà menge Hudiyu.

Nengeulaula 10:47

Ne zutun migkag̵i si Pedro te, “Heini is menge etew he kenà menge Hudiyu, mibeg̵ayan daan sikandan te Wag̵as he Mulin-ulin iring te sikitew is menge Hudiyu. Ne tenged kayi kenà egkehimu he kenà sikandan egkebewtismuwan.”

Nengeulaula 11:15

Ne ke si Pedro te, “Hein edweliyan ku en sikandan, dutundutun mibulusan sikandan ne mid-ulinan sikandan te Wag̵as he Mulin-ulin iring kenitew te menge Hudiyu zutun te aney kiw en ulini.

Nengeulaula 5:39

Iyan, ke ziyà ebpuun te Megbevayà, ne kenè tew egkezaag. Ne kenà dutun dà taman su egkekuntada tew is Megbevayà!” ke si Gemelil. Ne zutun mibpezumdumahan haazà te menge punuan is sambag ni Gemelil,