Nengeulaula 11:16 - Manobo Western Bukidnon

¹⁶ Ne zutun netenuzan ku is lalag te Nengazen tew he si Jesus he ke sikandin te, ‘Wahig is imbewtismu ni Juan te menge etew, iyan, iyan kebewtismuwi keniyu is edlumunan kew te Wag̵as he Mulin-ulin.’

Nengeulaula 11:16 Кръстосани препратки

Mateo 3:11

Wahig is ibewtismu ku keniyu,” ke si Juan, “he tuus te mid-iniyug̵an niw is mezaat he ulaula, iyan, duen etew he ed-ilis kediey ne iyan ibewtismu zin keniyu is Wag̵as he Mulin-ulin, ne emun kenà, ne hapuy. Lavew sikandin kedì, ne minsan is ked-uwit dà te sepatus din, kenè e pa zait he sulug̵uen din.

Mateo 3:6

Ne haazà he menge etew, intangdù dan is menge salè dan ne mibewtismuwan din sikandan diyà te wahig he Hurdan.

Marcos 1:8

Wahig is ibewtismu ku keniyu, iyan, haazà he etew is ed-ilis kediey, iyan ibewtismu zin keniyu sikan is Wag̵as he Mulin-ulin, he ke và dà egkeg̵iya, ibeg̵ey zin keniyu is Wag̵as he Mulin-ulin.”

Lucas 24:8

Ne human metenuzi zutun te menge vahi haazà is migkag̵i ni Jesus.

Lucas 3:16

Ne tenged kayi, migkag̵i si Juan diyà te kandan te langun te, “Duen ed-ilis kediey he utew lavew su minsan is kebpul-ut dà te menge sepatus din, kenè e pa zait he sulug̵uen din. Wahig is ibewtismu ku keniyu,” ke si Juan, “iyan, haazà is migkag̵i ku, ebewtismu zaan keniyu. Is edtuu, ne ebewtismuwan din te Wag̵as he Mulin-ulin. Ne is kenà edtuu, ne iyan din ibewtismu kandan is hapuy.

Juan 1:26

Ne zutun midtavak si Juan te, “Tutuu iyan he ebpemewtismu a, iyan, pinaag̵i zà te wahig, iyan, duen duma niw he wazè niw mekilala

Juan 1:33

Ne hein aney zutun,” ke si Juan, “wazè ku pa metueni he iyan sikandin kes netagnà he hadì, iyan, sikan is Megbevayà he iyan midsug̵ù kedì wey a mekepemewtismu pinaag̵i te wahig, migkag̵i kedì he zaan te, ‘Emun egkeehè nu is etew he edtenaan wey kenà ed-ewaan te Wag̵as he Mulin-ulin, iyan en etew he ibpemewtismu zin is Wag̵as he Mulin-ulin.’

Juan 14:26

Ne edsug̵uen te Amey ku zini te keniyu is Menenavang he ed-ilis kediey. Iyan sikandin sikan is Wag̵as he Mulin-ulin ne ibpenurù din keniyu is langun, ne ibpetenuzan din keniyu is langun he migkag̵i ku keniyu.

Juan 16:4

Umba egkeg̵iyen ku heini keniyu he zaan su emun egkehitavù heini is kebpekeantus niw te kemereg̵enan, egketenuzan niw he inlag̵uy ku en keniyu heini he zaan. Wazè ku sikiyu keg̵iyi kayi zengan hein beg̵u kiw pa he nekeduzuma su kemulu e pa zutun duma niw.

Nengeulaula 1:5

Te timpu pa ni Juan, wahig is imbewtismu zin te menge etew. Iyan, mekepira zà guntaan iyan kebewtismuwi keniyu is: edlumunan is kada sevaha keniyu te Wag̵as he Mulin-ulin.”

Nengeulaula 20:35

Ne pinaag̵i kayi te langun, impeehè ku keniyu he kinahanglan he pinaag̵i te kebpenigudu tew egketevangan tew is egkengeayuayu su egketenuzan tew is menge lalag dengan te Nengazen tew he si Jesus su ke sikandin te, ‘Dekelà is kelipey ta ke ebeg̵ey ki, kenà ke iyan ki edawat.’ ”

1 Kurintu 12:13

Ne sikitew is langun, Hudiyu se kenà Hudiyu, sulug̵uen se kenà sulug̵uen, ne pudu kiw mibewtismuwan te sevaha zà he Wag̵as he Mulin-ulin; ne pinaag̵i kayi nehimu kiw en he sevaha zà he lawa, ne mid-ulinan kiw pudu te sevaha zà he Wag̵as he Mulin-ulin.

2 Pedro 3:1

Minahal he menge suled ku, ikezuwa en heini te kebpesurati ku keniyu. Iyan tuyù ku kayi te kezezuwa ku kebpesurati keniyu is: wey kew mekeisip te hustu pinaag̵i kayi te menge sambag ku keniyu.