Nengeulaula 10:9 - Manobo Western Bukidnon

⁹ Ne hein neudtu te ilis he andew zutun, diyè dan pa te zalan ne meg̵aan dan en ebpekeuma ziyà te Hupi. Ne te iyan haazà daan he timpu, si Pedro, mibpemenahik diyà te perenggayà he atep te valey he patag is atep din su ed-ampù te Megbevayà.

Nengeulaula 10:9 Кръстосани препратки

Mateo 20:5

Ne midterebahu haazà is menge etew. Ne hein neudtu en is andew zutun, midlikù en maan haazà is etew pehendutun te tiyenggiyan. Ne iring din ded hein liwazà ebpenaug is andew.

Mateo 24:17

Sikan is etew he egkeserengà diyà te g̵awas te valey zin, kenè en med-usik-usik pa te timpu te kedseled diyà te valey he egkuwa te minsan hengkey te azen din.

Mateo 27:45

Ne te neudtu en is andew zutun, midtik-ew mebmerusirem is tivuuk he kelibutan seled te menge tetelu he uras.

Mateo 6:6

Iyan, sikiyu, ke ed-ampù kew, med-ulì is kada sevaha ziyà te valey zin, ne medlelekeb wey kenà maahà, ne zutun med-ampù te Amey tew he Megbevayà he kenà egkeahà. Ne is Amey tew he Megbevayà, iyan dà ebpekeahà kandin ne iyan edsuhul kandin keuzemà.

Marcos 1:35

Ne hein egkepkepawè en, ne mid-enew si Jesus ne mid-awà diyà te valey ne midsivey sikandin diyà te wazà duen etew su ed-ampù.

Marcos 6:46

Ne hein nekehipanew en haazà is menge etew, midtekezeg si Jesus diyà te vuvungan su mid-ampù.

Nengeulaula 10:3

Ne sengeandew te liwazè pa ebpenaug is andew zutun te mahapun, mibpaahà ki Cornelio is belinsug̵uen te Megbevayà. Ne nepurung memelmeleg̵i ni Cornelio haazà. Ne midseled dutun te valey haazà is belinsug̵uen ne migkeg̵iyan din si Cornelio te, “He Cornelio!”

Nengeulaula 6:4

Ne sikami mulà, is menge epustul, egkehimu he ebpurungan dey is baal zey te ked-ampù wey kebpesavut te Lalag te Megbevayà.”

Ipisu 6:18

Pekezesen kew ampù te minsan hengkey he timpu sumalà is ked-uwita keniyu te Wag̵as he Mulin-ulin. Buyù kew te tavang te Megbevayà ne layun kew andam ne peniguduwi niw layun te ked-ampù is langun he menge tumutuu.

1 Timoteo 2:8

Ne tenged kayi, is menge maama ziyà te langun he menge inged he meheg̵et is ked-engkezi zan te mezaat he ulaula, egkesuatan ku he med-ampù dan diyà te Megbevayà. Kinahanglan he wazà pauk dan te menge zuma zan wey wazè dan keduwazuwa.