Nengeulaula 10:7 - Manobo Western Bukidnon

⁷ Ne zutun mid-awà haazà is belinsug̵uen te Megbevayà. Ne segugunà midtawag ni Cornelio is dezuwa he menge sulug̵uen din wey is sundaru he sevaha zutun te menge sinerig̵an din. Ne heini he sundaru, ed-azap daan te Megbevayà.

Nengeulaula 10:7 Кръстосани препратки

Mateo 2:13

Ne hein migenat en kes menge memimituen, mibpeteg̵einep en maan ki Jose is belinsug̵uen te Nengazen he egkag̵i te, “Enew kad, Jose. Ne uwita nu heeyan is batà wey iney zin ne pelag̵uy kew pehendiyà te Ihiptu. Ne zutun kew tag̵ad taman te kenè ku pa sikew egkeg̵iyan. Su ebpenahaan ni Hirudis heeyan is batà su edhimetayan din.”

Lucas 2:25

Ne zuen dutun maama he ed-ubpà diyà te Hiruselim he egngezanan ki Simeon. Metazeng haazà he etew he layun edsimba te Megbevayà. Kenà egkeawà diyà te g̵ehinawa zin is kebperetenga zin te kegketuman te midtagnà dengan he zuen timpu he edlibriyen te Megbevayà is nengepilì din he menge etew he menge kevuwazan ni Israyil. Layun ed-ulinan si Simeon te Wag̵as he Mulin-ulin.

Lucas 3:14

Ne zutun duen menge sundaru he mid-insà diyà te ki Juan te, “Sikami, hengkey is ibpeulaula kenami te Megbevayà?” Ne midtavak si Juan te, “Engkezi niw is kebpelihendeka te menge etew wey is ked-ulug̵i niw kandan te kewsa te kegkuwaa niw te selapì dan. Is sildu niw, metengkai en diyà te g̵ehinawa niw.”

Nengeulaula 10:6

Diyà sikandin te valey te etew he egngezanan daan ki Simon he mememaal te g̵elemiten puun te lundis. Diyà sikandin ed-ubpà te veyvey.”

Nengeulaula 10:8

Midtudtul kandan ni Cornelio is nehitavù kandin ne midsug̵ù din sikandan diyà te inged he Hupi.

1 Timoteo 6:2

Ke tumutuu ki Kristu is egalen, kinahanglan he kenà maawà is kedtahud kandin te sulug̵uen din he tumutuu tenged te telesuled dan pinaag̵i ki Kristu. Kinahanglan he tuwas pa he meupiya is baal te sulug̵uen din tenged te tumutuu wey minahal te Megbevayà sikan is egketevangan dan pinaag̵i te vaal zan. Iyan heini ipenurù nu wey ipesavut nu ziyà te menge tumutuu.

Pilimun 1:16

Ne g̵untaan kenà sikandin uripen nu zà duen, kekenà, utew pa mahal kenà is uripen su suled nu en daan tenged te kedtuu zin ki Kristu. Utew sikandin mahal zini te g̵ehinawa ku ne mahal pa zaan diyan te kenikew, kenà tenged dà te uripen nu, kekenà, tenged daan te suled nu en tenged te Nengazen.