Nengeulaula 10:5 - Manobo Western Bukidnon

⁵ Ne g̵untaan sug̵ua nu ziyà te inged he Hupi is ed-angey te etew he egngezanan ki Simon Pedro.

Nengeulaula 10:5 Кръстосани препратки

Marcos 3:16

Iyan heini menge ngazan te sepulù wey zezuwa he etew he nengepilì ni Jesus: si Simon he migeraran din ki Pedro, wey si Santiago he anak ni Sibidiyu wey is hazi ni Santiago he si Juan. Heini is dezuwa, migeraran din ki Buwenirgis, he ke và dà egkeg̵iya, mezilapet he etew. Ne elin daan dutun si Andres, si Felipe, si Bartolome, si Mateo, si Tomas, si Santiago he anak ni Alpiyu, wey si Tediyu. Ne elin daan si Simon is sevaha te upakat dengan he egngezanan te Kenenista. Ne elin daan mibpilì ni Jesus si Judas he tigKeriyuti, sikan is mid-akal kandin. Ne neipus haazà is kebpilia ni Jesus kandan, ne mid-ulì sikandin.

Juan 1:42

Ne miduma zin si Simon ne midhendiyè dan te ki Jesus. Ne si Jesus, midtengtengan din si Simon. “Iyan ka si Simon he anak ni Juan. Egeraran ku sikew ki Sipas,” ke si Jesus. (Is gerar he Sipas ne iyan ded sikan is ngazan he Pedro. Ne is kehulug̵an kayi, ne vatu.)

Nengeulaula 10:18

mibpenelehuzen dan ne mid-insè dan te, “Duen be meg̵eliyug niw he egngezanan ki Simon Pedro?”

Nengeulaula 10:32

Ne g̵untaan ipaangey nu te menge sulug̵uen nu ziyà te inged he Hupi is etew he egngezanan ki Simon Pedro. Diyà ed-ubpà te valey te etew he Simon daan is ngazan din he mememaal te g̵elemiten puun te lundis. Diyà te veyvey is baley zin.’

Nengeulaula 15:7

Ne hein malù en netegteg̵aad dutun te kebivitiyara zan, midhitindeg si Pedro ne ke sikandin te, “Menge suled, netuenan niw he kayi te kenitew, iyan a sikan is mibpilì dengan te Megbevayà wey ku metudtul ziyà te kenà menge Hudiyu is Meupiya he Tudtulanen wey zan mekepemineg wey meketuu te Megbevayà.

Nengeulaula 16:9

Ne si Pablo, te mezukilem dutun, duen impaahà kandin te Megbevayà. Neehè din is iring te etew he tigMesidunya he edhangyù kandin te, “Laus kew en dini te Mesidunya su wey key keniyu metevangi.”

Nengeulaula 9:36

Ne ziyà te inged he Hupi, duen sumusundan he vahi he egngezanan ki Tebita, ne emun kineg̵iyan he Gerisyahanen, iyan ngazan din si Durkas, he ke và dà egkeg̵iya, Kuleping. Ne heini is bahi, mezakel is menge meupiya he vaal zin; layun edtavang te egkengeayuayu.

Nengeulaula 9:38

Ne is inged he Hupi, uvey te inged he Lida, ne is menge sumusundan diyà te Hupi, hein nezineg dan he ziyà si Pedro te Lida, midsug̵ù dan diyà te kandin is dezuwa he maama he impepenudtul kandin te, “Hendini ka g̵aanggaan.”

Nengeulaula 9:42

Ne nekeeneb haazà he tudtul te tivuuk he inged he Hupi, ne mezakel is nemeketuu te Nengazen he si Jesus.

Nengeulaula 9:43

Ne si Pedro, mid-ubpaubpè pa zutun, diyà te valey te etew he egngezanan ki Simon he mememaal te g̵elemiten puun te lundis he egenguwen din.