Nengeulaula 10:46 - Manobo Western Bukidnon

⁴⁶ Su is menge Hudiyu zutun, nezineg dan haazà is menge kenà Hudiyu he ebpendalig te Megbevayà wey netekewtekew zan pintezi te menge kineg̵iyan he wazè dan dutun hanew ke hengkey haazà is egkeg̵iyen dan.

Nengeulaula 10:46 Кръстосани препратки

Marcos 16:17

Ne sikan is etew he edtuu kediey, duen menge singyal he egkehimu zan. Pinaag̵i te keg̵ehem te ngazan ku igkepeg̵uwè dan is menge mezaat he mulin-ulin he ebpenlalung te menge etew. Ne ebpekekag̵i sikandan te kineg̵iyan he kenè dan egketuenan.

Nengeulaula 19:6

Ne zutun mibpendepenetan ni Pablo te velad din is menge purù dan, ne mid-ulinan sikandan te Wag̵as he Mulin-ulin ne netekewtekew zan mekekag̵i te menge kineg̵iyan he kenè dan egkesavut. Ne midtudtul zan is impesavut kandan te Megbevayà.

Nengeulaula 2:11

Duen daan menge tigKrita wey menge tig-Erabya. Ne minsan pa te kenà ebpeked-iiring is kineg̵iyan tew, is kada sevaha kenitew, nesavut din is egkeg̵iyen su kandin he keugelingen he kineg̵iyan is egkeg̵amit kayi te menge tigGeliliya. Ne impesavut dan kenitew is utew meupiya he egkein-inuwan he vaal te Megbevayà,” ke sikandan.

Nengeulaula 2:4

Ne mibpurungan ulini te Wag̵as he Mulin-ulin is kada sevaha kandan, ne netekewtekew zan pintezi te menge kineg̵iyan he kenè dan egketuenan sumalà is gehem he imbeg̵ey kandan te Wag̵as he Mulin-ulin.