Nengeulaula 10:44 - Manobo Western Bukidnon

⁴⁴ Ne te kemulu pa egkag̵i si Pedro zutun, mibulusan te Wag̵as he Mulin-ulin is langun he etew he ebpemineg dutun.

Nengeulaula 10:44 Кръстосани препратки

Nengeulaula 10:47

Ne zutun migkag̵i si Pedro te, “Heini is menge etew he kenà menge Hudiyu, mibeg̵ayan daan sikandan te Wag̵as he Mulin-ulin iring te sikitew is menge Hudiyu. Ne tenged kayi kenà egkehimu he kenà sikandan egkebewtismuwan.”

Nengeulaula 11:15

Ne ke si Pedro te, “Hein edweliyan ku en sikandan, dutundutun mibulusan sikandan ne mid-ulinan sikandan te Wag̵as he Mulin-ulin iring kenitew te menge Hudiyu zutun te aney kiw en ulini.

Nengeulaula 15:8

Ne is Megbevayà, impeehè din kenitew is kedewata zin te kenà menge Hudiyu su imbeg̵ey zin kandan is Wag̵as he Mulin-ulin iring te kebeg̵aya zin dini te kenitew. Nesayud sikandin te minsan gehinawa tew te menusiyà.

Nengeulaula 19:6

Ne zutun mibpendepenetan ni Pablo te velad din is menge purù dan, ne mid-ulinan sikandan te Wag̵as he Mulin-ulin ne netekewtekew zan mekekag̵i te menge kineg̵iyan he kenè dan egkesavut. Ne midtudtul zan is impesavut kandan te Megbevayà.

Nengeulaula 4:31

Ne hein nekeampù dan, ne neg̵ezam dan he egkehuyung haazà is baley he netig̵uman dan. Ne mibpurungan ulini te Wag̵as he Mulin-ulin is kada sevaha kandan, ne wazè dan ikehandek is kedsengyawa zan te Lalag te Megbevayà.