Nengeulaula 10:41 - Manobo Western Bukidnon

⁴¹ Te nevanhew en sikandin wazà pudu mekeahà kandin is menge etew, kekenà, sikami zà is menge tistig̵us he zaan he mibpilì te Megbevayà. Sikami, nekekaan key wey nekeinum key zuma kandin hein nevanhew en sikandin.

Nengeulaula 10:41 Кръстосани препратки

Lucas 24:30

Ne hein diyè dan en te valey ne mibpinuu zan is egkaan. Ne si Jesus, migkuwa zin is egkeenen dan he supas. Ne mibpeselematan din te Megbevayà ne mibpenevì din ne human din ipemeg̵ey kandan.

Lucas 24:48

Ne kinahanglan he iyan kew mebpesavut kayi te langun he impesurat he Lalag te Megbevayà he netuman kayi te kedì su nengeehè niw en.

Juan 14:17

Iyan sikandin sikan is Wag̵as he Mulin-ulin he tutuu is ibpenurù din. Kenà heini egkezawat te menge etew zini te kelibutan he kuntada te Megbevayà su kenè dan egkekilala sikandin ne kenè dan egkesavut ke hentei sikandin. Sikiyu mulà, nesavut niw en ke hentei sikandin su ziyà ed-ubpà te keniyu ne kenà daan ed-awà diyà te keniyu.

Juan 14:19

Kenè en egketegteg̵aad ne kenà ad maan egkeahà te menge kuntada ku he etew zini te kelibutan, iyan, sikiyu mulà, egkeehè e pa egkeuman keniyu. Kenà egkeawà is untung ku te minsan keenu, umba zuen niw en daan untung he kenà egkeawà te minsan keenu.

Juan 14:22

Ne zutun migkag̵i si Hudas (kenà sikan is Hudas he tigKeriyuti), ke sikandin diyà te ki Jesus te, “Maan is edhimuwen nu he metueni zey sikew ne kenè nu edhimuwen he metueni ka te menge etew he wazà medtuu kenikew?”

Juan 15:16

Kenè kew iyan nekepilì kediey, kekenà, iyan a nekepilì keniyu. Intezù ku sikiyu wey kew mekepemeg̵as te menge meupiya he ulaula ne wey kenà daan mahanew is beg̵as niw. Ne is minsan hengkey he ebuyuen niw ziyà te Amey ku he Megbevayà tenged te kedtuu niw kediey, ibeg̵ey zin keniyu.

Juan 15:27

Ne ebpekepesavut kew zaan kayi su puun pa te aney ku en kebpenurù, duma ku en sikiyu.”

Juan 21:13

Ne migkuwa ni Jesus haazà is supas ne mibpenalad din kandan ne mibpenalad din daan haazà is nengelutù he pait.

Nengeulaula 1:4

Ne sengeandew te netig̵um dan, migkag̵i zin kandan he, “Kenè kew med-awà dini te inged he Hiruselim, kekenà, medtag̵ad kew taman te kenè pa ibeg̵ey keniyu kes impenaad te Amey tew he Megbevayà. Nekag̵i ku en heini keniyu he zaan.

Nengeulaula 10:39

Ne sikami, ebpekepenistig̵us key kayi su neehè dey is langun he mibeelan din diyà te langun he menge inged te menge Hudiyu wey ziyà daan te Hiruselim. Ebpekepenistig̵us key zaan he midhimetayan sikandin te menge Hudiyu pinaag̵i te kedrensanga kandin te krus.

Nengeulaula 13:31

Ne hein nevanhew en si Jesus, seled te mezakel he menge andew is layun din kebpaahà te menge etew he iyan menge zuma zin hein mid-awà sikandin diyà te prubinsya he Geliliya ne midhendiyà te inged he Hiruselim. Ne sikandan guntaan, ibpenudtul zan si Jesus diyà te menge zuma tew he kevuwazan ni Israyil.