Nengeulaula 10:3 - Manobo Western Bukidnon

³ Ne sengeandew te liwazè pa ebpenaug is andew zutun te mahapun, mibpaahà ki Cornelio is belinsug̵uen te Megbevayà. Ne nepurung memelmeleg̵i ni Cornelio haazà. Ne midseled dutun te valey haazà is belinsug̵uen ne migkeg̵iyan din si Cornelio te, “He Cornelio!”

Nengeulaula 10:3 Кръстосани препратки

Mateo 27:46

Ne hein liwazè en he ebpenaug is andew, ingkulahì ni Jesus is utew mezag̵ing he lalag he edhenduen te, “Ili, Ili, lama sebektani?” he ke và dà egkeg̵iya, “He Megbevayè ku, maan is ed-iniyug̵an a kenikew?”

Lucas 1:11

Ne zutun mibpaahà kandin is belinsug̵uen te Megbevayà ne heini is belinsug̵uen, dutun edhithitindeg te egkekewanan te vangkù he tutungà te veyewà.

Lucas 2:13

Ne zutundutun mibpaahà daan is utew mezakel he menge velinsug̵uen te Megbevayà he ebpemendalig te Megbevayà,

Nengeulaula 10:17

Ne te kemulu pa ed-is-isipa ni Pedro ke hengkey is kehulug̵an dutun te neehè din, nekeuma zutun te inged kes menge sug̵ù ni Cornelio. In-insè dan ke hendei is baley ni Simon. Ne hein diyè dan en te g̵awas uvey te g̵emawan,

Nengeulaula 10:19

Ne si Pedro zutun, kemulu zin pa ed-isipa ke hengkey is ibpesavut te neehè din. Ne zutun migkeg̵iyan sikandin te Wag̵as he Mulin-ulin te, “Duen tetelu he etew he ebpen-ahà kenikew.

Nengeulaula 10:30

Ne midtavak si Cornelio te, “Heepat en he andew g̵untaan, te iring kayi he uras dini a te valey te liwazè en ebpenaug is andew su ed-ampù a. Netekewtekew a te mibpaahà kedì is maama he ebpenganlag is bisti zin.

Nengeulaula 10:9

Ne hein neudtu te ilis he andew zutun, diyè dan pa te zalan ne meg̵aan dan en ebpekeuma ziyà te Hupi. Ne te iyan haazà daan he timpu, si Pedro, mibpemenahik diyà te perenggayà he atep te valey he patag is atep din su ed-ampù te Megbevayà.

Nengeulaula 11:13

Ne midtudtulan key ni Cornelio he zuen belinsug̵uen te Megbevayà he mibpaahà kandin diyà te valey zin. Ne migkag̵i kandin haazà is belinsug̵uen te, ‘Sug̵ua nu ziyà te inged he Hupi is ed-angey te etew he egngezanan ki Simon Pedro.

Nengeulaula 27:23

Geina te mezukilem, is Megbevayà he iyan ed-ezapen ku, mibpaahà kedì is belinsug̵uen din,

Nengeulaula 3:1

Ne sengeandew te zutun he timpu mibpezumahà si Pedro wey si Juan is edtekezeg pehendiyà te Valey te Megbevayà su uras en te ked-ampù su liwazè en he ebpenaug is andew.

Nengeulaula 5:19

Ne zutun te mezukilem, netekewtekew puwasi te velinsug̵uen te Nengazen haazà is pirisuwan ne impaawè din dutun is menge epustul

Nengeulaula 9:10

Ne zutun te inged he Demasku, duen sumusundan ni Jesus he egngezanan ki Eneniyas. Ne mibpaahà kandin is Nengazen he si Jesus ne migkag̵i te, “He Eneniyas.” Ne midtavak si Eneniyas te, “Hei e zed.”

Nengeulaula 9:4

Ne nepiley sikandin diyà te tanà ne nezineg din is egkag̵i te, “He Seulu, maan is ebpesipelahan a kenikew?”

Hibriyuhanen 1:14

Iyan, is menge velinsug̵uen te Megbevayà, menge sulug̵uen dà sikandan te Megbevayà. Kenè tew egkeahà, iyan, edsug̵uen din sikandan wey kiw zan metevangi is menge etew he edtulusen keuzemà.

Hibriyuhanen 1:4

Impaahà kenita te Megbevayà he utew lavew is Anak din, kenà is menge velinsug̵uen din diyà te langit, ne iring din ded daan, lavew is inggerar zin te Anak din, kenà is inggerar zin kandan.