Nengeulaula 10:24 - Manobo Western Bukidnon

²⁴ Ne nepawè pa zutun, ne human dan mekeuma ziyà te Sisarya. Ebpeebuten sikandan ni Cornelio ne midtig̵um din is kezuzumahi zin wey menge emig̵u zin.

Nengeulaula 10:24 Кръстосани препратки

Mateo 16:13

Midhendiyà ensi Jesus te inged he uvey te inged he Sisarya Pilipus. Ne hein nekeuma zan en dutun, mid-insaan din is menge sumusundan din te, “Siak is Kakey te Menusiyà, hentei e kun sumalà te ked-isipa kediey te menge etew?”

Lucas 5:29

Ne zutun midtukud te zekelà he keemuran si Levi ziyà te valey zin su zutun si Jesus. Ne mezakel is nemenelavuk dutun he menge menunukut te vuhis he menge zuma ni Levi, ne zuen daan menge zuma he menge etew he nemengaan duma kandan.

Nengeulaula 10:1

Ne ziyà te inged he Sisarya zuen etew he kenà Hudiyu he egngezanan ki Cornelio. Kepitan sikandin te kumpeniya te menge sundaru he Rumanu, sikan is migngezanan te kumpeniya te menge tig-Italya.

Nengeulaula 10:27

Ne mibpekibitiyara si Pedro kandin dutun te edseled dan en. Ne zutun naahà ni Pedro is mezakel he nengetig̵um dutun te valey.

Nengeulaula 8:40

Ne si Felipe, diyè en maahà te inged he Asdud ne midlaus medhipanew is ebpenudtul te Meupiya he Tudtulanen diyà te langun he menge inged he ibayè din taman te nekeuma sikandin diyà te Sisarya.