Nengeulaula 10:2 - Manobo Western Bukidnon

² Heini si Cornelio, ne metinumanen te sug̵ù te Megbevayà. Sikandin wey is tivuuk he pemilya zin, minsan kenè dan menge Hudiyu, ed-azap dan te Megbevayà. Dekelà is tavang din te menge egkengeayuayu he menge Hudiyu wey layun sikandin ed-ampù diyà te Megbevayà.

Nengeulaula 10:2 Кръстосани препратки

Mateo 25:17

Iring din ded daan sikan is sulug̵uen he mibeg̵ayan te zezuwa he libu he pisus, su netig̵ayun daan te zezuwa pa he libu.

Lucas 18:1

Ne zuen en maan sempità he impezineg ni Jesus te menge sumusundan din. Ibpesavut din kandan dutun he kinahanglan he kenè dan bungasa te layun ked-ampù ne kenà daan med-engked he edsarig te Megbevayà.

Lucas 2:25

Ne zuen dutun maama he ed-ubpà diyà te Hiruselim he egngezanan ki Simeon. Metazeng haazà he etew he layun edsimba te Megbevayà. Kenà egkeawà diyà te g̵ehinawa zin is kebperetenga zin te kegketuman te midtagnà dengan he zuen timpu he edlibriyen te Megbevayà is nengepilì din he menge etew he menge kevuwazan ni Israyil. Layun ed-ulinan si Simeon te Wag̵as he Mulin-ulin.

Nengeulaula 10:22

Ne migkag̵i zan te, “Impehendini key ni Kepitan Cornelio. Metazeng sikandin he etew. Ed-azap sikandin te Megbevayà, ne telehuzen daan sikandin te langun he menge Hudiyu. Migkeg̵iyan sikandin te velinsug̵uen te Megbevayà te, ‘Ipaangey nu si Simon Pedro wey nu mezineg is ibpesavut din,’ ” ke sikandan.

Nengeulaula 10:31

Ke sikandin te, ‘Cornelio, midineg en te Megbevayà is ked-ampù nu, ne wazè din daan melipati is tavang nu te menge etew.

Nengeulaula 10:35

su is meg̵inged te minsan hengkey he inged dini te kelibutan, emun edtehuzen din is Megbevayà wey metazeng is ulaula zin, edewaten sikandin te Megbevayà.

Nengeulaula 10:4

Ne si Cornelio, netengtengan din haazà is belinsug̵uen ne utew sikandin nahandek. Ne ke sikandin te, “Hengkey?” Ne migkag̵i haazà is belinsug̵uen te, “Midineg en te Megbevayà is ked-ampù nu ne neehè din is ketulanged nu ne kenè ke zin egkelipatan.

Nengeulaula 10:7

Ne zutun mid-awà haazà is belinsug̵uen te Megbevayà. Ne segugunà midtawag ni Cornelio is dezuwa he menge sulug̵uen din wey is sundaru he sevaha zutun te menge sinerig̵an din. Ne heini he sundaru, ed-azap daan te Megbevayà.

Nengeulaula 11:14

Sikew wey is pemilya nu, ibpesavut din keniyu is paag̵i he iyan igkelibri niw te silut te Megbevayà keniyu.’ Iyan heini tudtul ni Cornelio,” ke si Pedro.

Nengeulaula 13:16

Ne midhitindeg si Pablo ne imbayew zin is belad din su wey zan metueni he zuen egkeg̵iyen din ne migkag̵i te, “Menge zuma ku he kevuwazan ni Israyil wey sikiyu is langun he ed-azap daan te Megbevayà, pemineg̵a niw is egkeg̵iyen ku.

Nengeulaula 13:26

Ne menge suled,” ke si Pablo, “sikiyu is menge zuma ku he kevuwazan ni Israyil wey kevuwazan ni Abraham, wey sikiyu zaan is kenà Hudiyu he ed-azap daan te Megbevayà, iyan kiw kes mibpeuwitan te Megbevayà te Meupiya he Tudtulanen wey kiw melibri te kedsiluti kenitew.

Nengeulaula 13:50

Ne is menge punuan dutun te inged he Entiyukya wey is menge vai he ed-azap te Megbevayà, midhimu sikandan te menge Hudiyu he mengepauk dan ki Pablo wey ki Bernabe. Ne midsegseg dan haazà is dezuwa zutun te inged.

Nengeulaula 18:8

Ne si Crispo, is egalen dutun te simbahan, neketuu te Nengazen ne neketuu zaan is pemilya zin. Ne zutun mezakel is menge tigKurintu, hein nezineg dan is Lalag te Megbevayà, neketuu zan ne mibpemebewtismu sikandan.

Nengeulaula 2:5

Duen menge Hudiyu ziyà te Hiruselim he ziyà ebpemuun te minsan hendei he inged dini te tungkup te kelibutan ne menge metinumanen sikandan te sug̵ù te Megbevayà.

Nengeulaula 22:12

Ne zuen dutun etew he egngezanan ki Eneniyas; metinumanen sikandin te kesug̵uan tew, wey telehuzen te langun he menge Hudiyu he tigDemasku.

Nengeulaula 9:11

Ne migkag̵i is Nengazen te, “Hendiyè ka te kersada he egngezanan te Metandang. Ne ziyà te valey ni Hudas, iinsè nu is etew he tigTarsu he egngezanan ki Seulu. Kemulu en ed-ampù.

Nengeulaula 9:31

Ne zutun mibmelinew is kebpekesavuk te langun he menge tumutuu ki Jesus diyà te prubinsya he Hudiya, wey Semarya wey Geliliya. Neheg̵et is kedtuu zan ne tenged te layun dan ibpehuna is kedtahud dan te Nengazen wey tenged te kedtavang kandan te Wag̵as he Mulin-ulin mid-iseg dan mebmezakel.

Nengeulaula 9:36

Ne ziyà te inged he Hupi, duen sumusundan he vahi he egngezanan ki Tebita, ne emun kineg̵iyan he Gerisyahanen, iyan ngazan din si Durkas, he ke và dà egkeg̵iya, Kuleping. Ne heini is bahi, mezakel is menge meupiya he vaal zin; layun edtavang te egkengeayuayu.

Kulusas 4:2

Ne sikiyu is langun, pekehamen kew ampù ne purungi niw is ked-isip niw ke ed-ampù kew wey layun niw peselemati te Megbevayà is gag̵ew zin keniyu.

Santiago 1:5

Ne ke zuen minsan hentei keniyu he egkereg̵enan su kenè din egketuenan ke hengkey is meupiya he paag̵i, mebuyù te ketau ziyà te Megbevayà, ne ebeg̵ayan sikandin su metulanged sikandin ne kenè ki zin edewayen ke ebuyù ki.

Impezayag 15:4

Ne edtehuzen ka te langun he menge etew ne ebentug̵en dan is ngazan nu te Nengazen. Su iyan ke zà wag̵as he Megbevayà. Edhendiyà te kenikew is langun he menge etew te minsan hendei he g̵inhedian ne ed-ezapen ke zan su nevantug en is menge vaal nu he memetazeng.”