Nengeulaula 10:19 - Manobo Western Bukidnon

¹⁹ Ne si Pedro zutun, kemulu zin pa ed-isipa ke hengkey is ibpesavut te neehè din. Ne zutun migkeg̵iyan sikandin te Wag̵as he Mulin-ulin te, “Duen tetelu he etew he ebpen-ahà kenikew.

Nengeulaula 10:19 Кръстосани препратки

Juan 16:13

Ne sikan is Wag̵as he Mulin-ulin he ebpenurù te tutuu he tuluuwen, emun dini en sikandin te keniyu, ibpesavut din keniyu is langun he tutuu. Kenè din iyan ibpesavut is kandin dà he isip, kekenà, iyan ibpesavut din is nezineg din diyà te Amey ku. Ibpesavut din daan keniyu is egkeulaula keuzemà.

Nengeulaula 10:18

mibpenelehuzen dan ne mid-insè dan te, “Duen be meg̵eliyug niw he egngezanan ki Simon Pedro?”

Nengeulaula 10:3

Ne sengeandew te liwazè pa ebpenaug is andew zutun te mahapun, mibpaahà ki Cornelio is belinsug̵uen te Megbevayà. Ne nepurung memelmeleg̵i ni Cornelio haazà. Ne midseled dutun te valey haazà is belinsug̵uen ne migkeg̵iyan din si Cornelio te, “He Cornelio!”

Nengeulaula 11:12

Ne migkeg̵iyan a te Wag̵as he Mulin-ulin he ibpezume e zin dutun te menge etew ne kenà a melenew te keduma kandan. Heini zaan is heenem he tumutuu he menge zuma tew he Hudiyu is miduma kedì diyà te Sisarya. Ne midseled key ziyà te valey ni Cornelio.

Nengeulaula 13:2

Ne zutun te ked-azap dan te Nengazen wey kedsalang dan te egkaan su ed-ampù dan, duen impesavut te Wag̵as he Mulin-ulin kandan. Ke sikandin te, “Ipeveyveyai niw kedì si Bernabe wey si Seulu su wey zan meveeli is ibpeveelan ku kandan.”

Nengeulaula 15:7

Ne hein malù en netegteg̵aad dutun te kebivitiyara zan, midhitindeg si Pedro ne ke sikandin te, “Menge suled, netuenan niw he kayi te kenitew, iyan a sikan is mibpilì dengan te Megbevayà wey ku metudtul ziyà te kenà menge Hudiyu is Meupiya he Tudtulanen wey zan mekepemineg wey meketuu te Megbevayà.

Nengeulaula 21:4

Neturedu zey zutun is menge tumutuu ne midhulavung key ziyà te kandan taman te sengesimana. Ne g̵eina te zuen impezayag kandan te Wag̵as he Mulin-ulin midleg̵uyan dan si Pablo he kenà ibpelaus diyà te Hiruselim.

Nengeulaula 8:29

Ne zutun migkeg̵iyan si Felipe te Wag̵as he Mulin-ulin te, “Hendiyè ka ne uvayi nu heeyan is kelisa.”

1 Kurintu 12:11

Ne is langun kayi he menge ketau, ne ziyà ebpuun te Wag̵as he Mulin-ulin, minsan pa kayi te wazà med-iring-iring he ketau he ibeg̵ey zin sumalà is gustu zin he ibeg̵ey ziyà te kada sevaha.

1 Timoteo 4:1

Utew keladu is impesavut te Wag̵as he Mulin-ulin he keuzemà te ketepusan he timpu zuen menge etew he kenè en edtuu te tutuu he tuluuwen, kekenà, iyan ebpemineg̵en dan is impinted te menge teruen he menge mulin-ulin. Ebpemineg̵en dan is impenurù kandan te menge mezaat he mulin-ulin