Nengeulaula 10:17 - Manobo Western Bukidnon

¹⁷ Ne te kemulu pa ed-is-isipa ni Pedro ke hengkey is kehulug̵an dutun te neehè din, nekeuma zutun te inged kes menge sug̵ù ni Cornelio. In-insè dan ke hendei is baley ni Simon. Ne hein diyè dan en te g̵awas uvey te g̵emawan,

Nengeulaula 10:17 Кръстосани препратки

Juan 13:12

Ne hein netapus din haazà is kebpenlùlui zin te menge paa zutun te menge sumusundan din, insun-ud din is kumbalè din ne mibpinuu. Migkag̵i sikandin diyà te kandan te, “Egkesavut niw ve is kehulug̵an kayi te mid-ulaula ku keniyu?

Nengeulaula 10:3

Ne sengeandew te liwazè pa ebpenaug is andew zutun te mahapun, mibpaahà ki Cornelio is belinsug̵uen te Megbevayà. Ne nepurung memelmeleg̵i ni Cornelio haazà. Ne midseled dutun te valey haazà is belinsug̵uen ne migkeg̵iyan din si Cornelio te, “He Cornelio!”

Nengeulaula 2:12

Ne is langun he menge etew zutun, utew zan nengeinuinu, su wazè dan mesavut haazà is nehitavù. Ne kenà egkerintas is kebpein-inseey zan he egkag̵i te, “Hengkey vuwa heini?”

Nengeulaula 25:20

Ne g̵eina te wazà egketuenan ku he paag̵i te kedhusaya ku kayi, mid-insaan ku si Pablo ke egkesuatan din be he edhendiyà te Hiruselim wey ku sikandin meimbistiga zutun.

Nengeulaula 5:24

Ne hein nezineg haazà te kepitan te guwardya ziyà te simbahan wey te menge punuan he memumuhat, neked-iinseey zan ke hendei vuwa is menge epustul.

Nengeulaula 9:10

Ne zutun te inged he Demasku, duen sumusundan ni Jesus he egngezanan ki Eneniyas. Ne mibpaahà kandin is Nengazen he si Jesus ne migkag̵i te, “He Eneniyas.” Ne midtavak si Eneniyas te, “Hei e zed.”

Nengeulaula 9:43

Ne si Pedro, mid-ubpaubpè pa zutun, diyà te valey te etew he egngezanan ki Simon he mememaal te g̵elemiten puun te lundis he egenguwen din.

1 Pedro 1:11

Mid-istudyuwan dan ke keenu wey ke egkemenumenu is kegketuman kayi, su in-ulin heini kandan te Wag̵as he Mulin-ulin he ebpuun diyà te ki Kristu. Impesavut din kandan he zuen menge kemeresayan he egkeantus ni Kristu zini te kelibutan ne emun egketapus haazà edhimuwen sikandin he utew lavew.