Nengeulaula 10:15 - Manobo Western Bukidnon

¹⁵ Ne mid-umanan keg̵iyi sikandin te, “Is migkag̵i te Megbevayà he meupiya, kenè nu keg̵iya he meremerik.”

Nengeulaula 10:15 Кръстосани препратки

Mateo 15:11

Is igkeepesi te Megbevayà te etew, ne kenà iyan sikan is egkeenen he id-ahuk dutun te etew ziyà te vèbè din, kekenà, iyan sikan is menge mezaat he lalag he egawas he ebpuun te vèbè dutun te etew.”

Marcos 7:19

su is egkeenen din, ne ziyè dà ebpekevayà te g̵etek din ne zutun ed-awà diyà te kandin; kenà diyà ebpekevayà te g̵ehinawa zin.” (Ne pinaag̵i kayi te menge lalag ni Jesus, egketuenan ta he is minsan hengkey he egkekaan, idtug̵ut kenitew he egkeenen tew.)

Nengeulaula 10:16

Ne ketetelu en mesublì haazà is langun he menge lalag diyà te ki Pedro, ne zutun, in-ulì diyà te langit haazà is midteyuntun.

Nengeulaula 10:28

Ne migkeg̵iyan din sikandan te, “Netuenan niw en he sikami is menge Hudiyu, indawey kenami te tuluuwen dey is kebpekiduma wey kebpenumbaley ziyà te iring keniyu te kenà menge Hudiyu. Iyan,” ke si Pedro, “impesavut kedì te Megbevayà he kenè din egkesuatan he isipa ku he meremerik is minsan hentei su edewaten din is langun.

Nengeulaula 11:9

Ne ziyà te langit nezineg ku en maan is egkag̵i, ke sikandin te, ‘Is migkag̵i te Megbevayà he meupiya, kenè nu keg̵iya he meremerik.’

Nengeulaula 15:20

Iyan is: ebpesuratan tew sikandan ne egkeg̵iyen tew kandan he kenè dan megkaan te egkeenen he indawey su impemuhat diyà te menge kenà tutuu he megbevayà; ne kenè dan daan hileveti is kenè dan esawa, wey kenè dan daan megkaan te lengesa wey te edlepaan he kenà ebpekelelengesa. Iyan dà heini menge sug̵ù he imbilinbilin ni Moises he ibpetuman tew kandan.

Nengeulaula 15:29

Ne iyan is: kenè niw keena is impemuhat diyà te kenà tutuu he Megbevayà. Kenè niw keena is lengesa, ne kenè niw zaan keena is edlepaan he kenà ebpekelelengesa; kenè niw hileveti is kenè niw esawa. Emun edtumanen niw heini, meupiya en. Iyan dà heini lalag dey.”

Nengeulaula 15:9

Wazà daan isipa te Megbevayà he zuen kebpekeviza te kenà menge Hudiyu kenitew su tenged te kedtuu zan mibpesaylu zin sikandan te menge ulaula zan he mezaat iring te kebpesaylu zin dini te kenitew.

Ruma 14:14

Tenged te kebpekidsevaha ku te Nengazen tew he si Jesus, impesavut kedì he wazà minsan hengkey he egkeenen he idawey te Megbevayà. Iyan, ke zuen etew he edtuuwan din he indawey te Megbevayà is sevaha he egkeenen ne kenà meupiya ke egkeenen din.

Ruma 14:20

Ne kenè niw zèdeeti is ed-ul-ulahan te Megbevayà pinaag̵i te kegkaan niw te egkeenen he kunaan te zuma ke indawey kenita. Egkehimu ke egkaan ki te minsan hengkey he egkeenen, iyan, emun iyan ibpekesalà te zuma is kegkaan ta ne kenà haazà meupiya.

1 Kurintu 10:25

Na. Egkehimu he egkeenen ta is minsan hengkey he usa he imbelegyà diyà te mirkadu, iyan, kenè ta id-insà ke impemuhat be wey ke wazà su wey wazà ibmesakit te g̵ehinawa ta ke egkeenen ta.

Tito 1:15

Ke zuen etew he nelumpiyuwan te Megbevayà, wazà minsan hengkey he ibmeremerik din. Iyan, ke zuen etew he wazà melumpiyuwi te Megbevayà, wazà minsan hengkey pa he paag̵i he igkelumpiyu kandin su kenè sikandin edtuu ne nelalung utew is isip din wey g̵ehinawa zin.

Impezayag 14:20

Ne migunas haazà is beg̵as te paras dutun te vudsi he g̵awas te inged ne ebpuun dutun te vudsi midtudà is lengesa taman te tetelu he g̵atus wey keluwaan he kilumitru is netudaan ne sengemitrus wey tengà is kezalem din.