Nengeulaula 10:1 - Manobo Western Bukidnon

¹ Ne ziyà te inged he Sisarya zuen etew he kenà Hudiyu he egngezanan ki Cornelio. Kepitan sikandin te kumpeniya te menge sundaru he Rumanu, sikan is migngezanan te kumpeniya te menge tig-Italya.

Nengeulaula 10:1 Кръстосани препратки

Mateo 27:27

Ne zutun impeseled si Jesus te menge sundaru zutun te turug̵an te gubirnedur. Ne netig̵um diyà te kandin is tivuuk he kumpeniya te menge sundaru.

Mateo 27:54

Sikan is menge sundaru wey sikan is kepitan dan he mibantey ki Jesus, hein midtik-ew medlinug wey hein nengeehè dan is duma pa he nengehitavù dutun ne nengehandek dan. Ke sikandan te, “Tutuu ves iyan he Anak sikandin te Megbevayà!” egkag̵i zan.

Marcos 15:16

Ne zutun impeseled si Jesus te menge sundaru zutun te turug̵an te gubirnedur. Ne midtig̵um dan is tivuuk he kumpeniya te menge sundaru.

Lucas 7:2

Ne zuen dutun etew he kenà Hudiyu he kepitan te nenggatus he sundaru he zuen din sulug̵uen he maama he utew zin minahal. Ne heini is sulug̵uen ne egketigbak is egkezeruwan su edluwàluwè en te g̵ehinawa.

Juan 18:12

Ne zutun, haazà is menge sundaru wey is kepitan dan wey elin daan is menge pulis te menge Hudiyu, midakep dan si Jesus ne mibakus dan.

Juan 18:3

Ne zutun nekeuma si Hudas he edumahan te sengekumpeniya he sundaru wey pulis he midsug̵ù te menge punuan he memumuhat wey menge Perisiyu. Ne ebpenusulù he nengeg̵umeenan sikandan.

Nengeulaula 10:24

Ne nepawè pa zutun, ne human dan mekeuma ziyà te Sisarya. Ebpeebuten sikandan ni Cornelio ne midtig̵um din is kezuzumahi zin wey menge emig̵u zin.

Nengeulaula 21:31

Edhimetayan dan pezem sikandin, iyan, duen neketudtul te kepitan te menge sundaru he menge Rumanu he edsinamuk is tivuuk he meg̵inged te Hiruselim.

Nengeulaula 21:8

Ne hein nepawà, migenat key en maan ne nekezunggù key ziyà te Sisarya. Ne ziyè key medhulavung te valey ni Felipe, sikan is ebpesavut te Meupiya he Tudtulanen. Iyan sikandin sevaha zutun te pitu he maama he nepilì dengan diyà te Hiruselim he timbang te menge epustul.

Nengeulaula 22:25

Ne hein midhiketan dan si Pablo su ebug̵elen dan en, migkeg̵iyan ni Pablo is serhintu he zutun, ke sikandin te, “Idtug̵ut be te velaud he vug̵ela a keniyu is sakup te inged he Ruma te wazè e pa imbistigaha?”

Nengeulaula 23:23

Ne haazà is kepitan, mid-umew zin is dezuwa he sinerig̵an din ne ke sikandin te, “Ipaandam niw is dezuwa he g̵atus he sundaru su edsug̵uen ku sikiyu ziyà te inged he Sisarya. Ipezuma zaan is kepituwan pa he egkukudà wey is dezuwa pa he g̵atus he ebevangkew. Kinahanglan he ipaandam niw sikandan taman te alas nuwibi kan te mezukilem su iyan kegenat niw.

Nengeulaula 23:33

Ne midlaus dan diyà te Sisarya ne imbeg̵ey zan sikan is surat diyà te gubirnedur ne impalad dan kandin si Pablo.

Nengeulaula 25:1

Ne neketelu pa te kebpekeuma ni Pistu zutun te prubinsya he Hudiya mid-awà sikandin diyà te inged he Sisarya ne midhendiyà te Hiruselim.

Nengeulaula 25:13

Ne nepipira he andew zutun, nekeuma ziyà te Sisarya si Hadì Egripa wey is esawa zin he si Birinisi su edtelavuk dan ki Pistu.

Nengeulaula 27:1

Ne hein neisip dan he ibpeuntud key en te barku su ibpeuwit key ziyà te Italya, impalad dan si Pablo wey is duma pa he pirisu ziyà te ki Julio. Si Julio, serhintu sikandin te kumpeniya te sundaru he egngezanan te Kumpeniya te Lavew he Hadì.

Nengeulaula 27:31

Iyan, migkag̵i zutun si Pablo ziyà te serhintu wey menge sundaru zin te, “Emun ed-ewaan kew te menge terebahanti kayi, kenè kew en egkelibri.”

Nengeulaula 27:43

Iyan, is serhintu, kenè din egkesuatan he mehimetayi si Pablo ne wazè din itug̵ut he mehimetayi sikandan. Insug̵ù din he med-agbur is metau he ed-emparas wey mekeg̵aun,

Nengeulaula 8:40

Ne si Felipe, diyè en maahà te inged he Asdud ne midlaus medhipanew is ebpenudtul te Meupiya he Tudtulanen diyà te langun he menge inged he ibayè din taman te nekeuma sikandin diyà te Sisarya.