Nengeulaula 1:14 - Manobo Western Bukidnon

¹⁴ Is langun kandan, nesevaha is gehinawa zan te ked-ampù diyà te Megbevayà ne midtampu zaan is menge vahi. Elin dutun si Maria sikan is iney ni Jesus wey is menge hazi ni Jesus.

Nengeulaula 1:14 Кръстосани препратки

Mateo 12:46

Ne te kemulu pa ebpekidlalag si Jesus dutun te menge etew, nekeuma is iney zin wey menge hazi zin he maama. Ne edtag̵ad dan ki Jesus diyà te g̵awas su zuen egkeg̵iyen dan kandin.

Mateo 21:22

Emun edsarig kew te Megbevayà, ke ed-ampù kew, egkezawat niw is ebuyuen niw.”

Mateo 27:55

Ne zuen daan dutun mezakel he menge vahi he ebantey ziyà te meziyù dutun. Menge tigGeliliya sikandan he miduma ki Jesus pehendiyà te Hiruselim su edtavang dan kandin.

Marcos 15:40

Ne zutun te malù meziyù, duen daan menge vahi he ed-ahà. Ne zutun si Maria Megdelina, si Maria he iney ni Jose wey ni Santiago he zeisek. Ne elin daan dutun si Selumi.

Marcos 16:1

Ne hein neiwas dutun is Andew te Kedhimeley, si Maria Megdelina, wey si Maria he iney ni Santiago, wey si Selumi, mibpemasa zan te pehemut su edhendiyè dan te penlevengà wey zan ikehaplas haazà is pehemut te lawa ni Jesus.

Lucas 11:13

Ne sikiyu is menusiyà he kenà memetazeng, emun meupiya is ibeg̵ey niw ziyà te menge anak niw, iyan pe be is Amey tew he Megbevayà diyà te langit kenà mebeg̵ey keniyu te Wag̵as he Mulin-ulin ke ebuyuen niw.”

Lucas 18:1

Ne zuen en maan sempità he impezineg ni Jesus te menge sumusundan din. Ibpesavut din kandan dutun he kinahanglan he kenè dan bungasa te layun ked-ampù ne kenà daan med-engked he edsarig te Megbevayà.

Lucas 23:49

Ne is langun he menge emig̵u ni Jesus, ragkes is menge vahi he nemendumazuma kandin he ebpemuun te Geliliya, ne ziyè dan te malù meziyù is ebantey zutun te langun he neulaula.

Lucas 23:55

Ne sikan is menge vahi he ebpemuun diyà te Geliliya he nemenduma ki Jesus, ne miduma zan ki Jose te edleveng dutun te lawa ni Jesus. Ne neehè dan is midsevukan ki Jesus dutun te penlevengà.

Lucas 24:10

Haazà is menge vahi, ne iyan si Maria Megdelina, si Juana, wey elin daan si Maria he iney ni Santiago, ne zuen pa menge zuma zan he vahi. Iyan sikandan mibpenudtul ziyà te menge epustul te nengehitavù kandan.

Lucas 24:33

Ne zutun ne midhitindeg dan ne migaanggaan dan medlikù diyà te Hiruselim. Ne hein nekeuma zan ne neumahan dan sikan is sepulù wey sevaha he menge epustul ni Jesus wey is menge zuma he sumusundan he nengetig̵um diyà te sengevaley.

Lucas 24:53

Ne andew-andew ne layun sikandan diyà te simbahan he Valey te Megbevayà is edalig te Megbevayà.

Lucas 8:20

Ne zuen etew zutun he midtazem ki Jesus, ke sikandin te, “Keniyà te g̵awas is iney nu wey is menge hazi nu ne ebpengahaan ke zan.”

Nengeulaula 2:1

Ne hein andew en te pista he egngezanan te Pintikusti nevurun kes langun he menge tumutuu ziyà te sevaha he valey.

Nengeulaula 2:42

Ne te kada andew ebpemineg dan te ibpenurù kandan te menge epustul. Mibpekid-upakat dan te langun he menge tumutuu ne mibeelan dan te tedeman is kebpatey ni Jesus pinaag̵i te kegkaan te supas ne layun dan ed-ampù.

Nengeulaula 2:46

Ne kada andew edtig̵um is langun he menge tumutuu zuen te zekelà he simbahan he egngezanan te Valey te Megbevayà. Ne egkesevaha zan daan he utew melipayen te kegkaan dan dutun te menge valey zan wey kebpevegbeg̵ayè dan.

Nengeulaula 6:4

Ne sikami mulà, is menge epustul, egkehimu he ebpurungan dey is baal zey te ked-ampù wey kebpesavut te Lalag te Megbevayà.”

Ruma 12:12

Kinahanglan he layun kiw edlipey su zuen utew meupiya he egkezawat tew keuzemà. Ed-entusen tew is menge kemereg̵enan ne layun kiw ed-ampù diyà te Megbevayà.

1 Kurintu 14:13

Ne tenged kayi, is etew he ebpekekag̵i te kineg̵iyan he kenè din egketuenan, kinahanglan he iampù din he meveg̵ayi sikandin te ketau te kedluwas te egkeg̵iyen din.

Ipisu 6:18

Pekezesen kew ampù te minsan hengkey he timpu sumalà is ked-uwita keniyu te Wag̵as he Mulin-ulin. Buyù kew te tavang te Megbevayà ne layun kew andam ne peniguduwi niw layun te ked-ampù is langun he menge tumutuu.

Kulusas 4:2

Ne sikiyu is langun, pekehamen kew ampù ne purungi niw is ked-isip niw ke ed-ampù kew wey layun niw peselemati te Megbevayà is gag̵ew zin keniyu.