Nengeulaula 1:13 - Manobo Western Bukidnon

¹³ Ne hein nekeuma zan diyà te Hiruselim, mid-ulì dan diyà te rug̵u he zivavew ziyà te valey he dus endanas he ubpeey zan. Iyan heini ensi Pedro, si Juan, si Santiago, si Andres, si Felipe, si Tomas, si Bartolome, si Mateo, si Santiago he anak ni Alfeo, si Simon Siluti, wey si Hudas he anak ni Santiago.

Nengeulaula 1:13 Кръстосани препратки

Mateo 9:9

Ne mid-ewaan sikandan ni Jesus ne zutun te ibayè din neehè din is menunukut te vuhis he egngezanan ki Mateo he zutun he timpu ebpimpinuu ziyà te upisina zin. Migkeg̵iyan ni Jesus te, “Sunud ka kedì.” Ne zutun midhitindeg si Mateo ne midsunud ki Jesus.

Marcos 14:15

Ne zutun ibpeehè din keniyu is meluag he rug̵u ziyà te zivavew zutun he zaan en nehimani. Ne zutun niw teg̵enaha is idlavung tew.”

Marcos 14:33

Ne zutun miduma zin si Pedro, si Santiago, wey si Juan, ne midlaus dan pa ziyà te egkehunaan dutun. Utew neseeng sikandin wey mibmesakit utew is gehinawa zin.

Marcos 2:14

Ne hein nepasad haazà is kebpenurù din ne midlaus si Jesus, ne ziyà te ibayè din duen upisina te menunukut te vuhis. Ne zutun neehè din is anak ni Alpiyu he si Levi he menunukut te vuhis he ebpimpinuu zutun. Ne migkeg̵iyan din te, “Sunud ka kedì.” Ne zutun midhitindeg si Levi ne midsunud ki Jesus.

Marcos 5:37

Ne zutun iyan dà impelaus ni Jesus he eduma kandan ki Hayru, si Pedro, si Santiago, wey si Juan he suled ni Santiago.

Marcos 9:2

Neiwas is heenem dutun he andew, ne miduma ni Jesus ensi Pedro, si Santiago, wey si Juan ne midtekezeg dan te utew metikang he vuvungan he iyan dan dà. Ne zutun te kedtengtengi zan ki Jesus netik-ew mahalin is dagwey zin.

Lucas 22:12

Ne ke si Jesus maan te, “Ne zutun ibpeehè din keniyu is meluag he rug̵u ziyà te zivavew he zaan he nehimani. Ne zutun niw teg̵enaha is idlavung tew.”

Juan 11:16

Ne si Tomas, kes migeraran dan te Sereping, migkag̵i ziyà te menge zuma zin he sumusundan te, “Edhendiyè kiw en su wey kiw mebpatey zuma ki Jesus.”

Juan 14:22

Ne zutun migkag̵i si Hudas (kenà sikan is Hudas he tigKeriyuti), ke sikandin diyà te ki Jesus te, “Maan is edhimuwen nu he metueni zey sikew ne kenè nu edhimuwen he metueni ka te menge etew he wazà medtuu kenikew?”

Juan 18:17

Ne haazà is bahi zutun te pultahan, mid-insaan din si Pedro te, “Sumusundan ke ve zaan keniyan te etew?” Ne midtavak si Pedro te, “Kenà.”

Juan 21:2

Dutun si Simon Pedro, wey si Tomas he migngezanan te Sereping, si Natanael he tigKana ziyà te Geliliya, wey elin daan dutun is dezuwa he anak ni Sibidiyu wey zuen daan dutun dezuwa pa he menge sumusundan ni Jesus.

Nengeulaula 12:17

Ne in-uyew zin kandan he kenè dan megurub ne mibpenudtul zin kandan is paag̵i te Nengazen te kedlibriya kandin puun diyà te pirisuwan. Ne migkeg̵iyan din sikandan te, “Tudtuli niw zaan si Santiago wey is menge zuma he suled tew.” Ne mid-awà sikandin dutun, ne midhendiyà te sengeinged.

Nengeulaula 15:13

Ne hein neketapus dan is egkag̵i, human megkag̵i si Santiago. Ke sikandin te, “Menge suled, pemineg̵a niw is egkeg̵iyen ku.

Nengeulaula 2:14

Ne zutun midhitindeg si Pedro ne midhitindeg daan haazà is menge zuma zin he sepulù wey sevaha he epustul. Ne mibpekezesen sikandin he egkag̵i te, “Sikiyu is menge zuma ku he menge Hudiyu wey langun niw te menge meg̵inged dini te Hiruselim, pemineg kew wey niw mesavut is egkeg̵iyen ku.

Nengeulaula 2:38

Ne midtavak si Pedro te, “Kada sevaha keniyu, iniyug̵i zin is mezaat he ulaula zin ne mebpebewtismu wey metueni he ebpekidsevaha sikandin ki Jesu Kristu. Ne human egkepesaylu is menge salè din ne is Wag̵as he Mulin-ulin, ibeg̵ey kandin te Megbevayà.

Nengeulaula 20:8

Mezakel is sulù dutun te rug̵u he ziyà te zivavew he iyan netig̵uman dey.

Nengeulaula 4:13

Ne zutun, haazà is menge punuan he menge Hudiyu, hein neehè dan he kenà egkehandek si Pedro wey si Juan he egkag̵i wey hein netuenan dan he kenà metikang is netunghaan dutun te zezuwa ne kenà metikang is pid-etawan dan, ne nengeinuinu zan. Ne human dan dutun mekilala he menge zuma zengan ni Jesus si Pedro wey si Juan.

Nengeulaula 4:19

Ne midtavak si Pedro wey si Juan te, “Isipa niw ke hendei zapit is egkesuatan te Megbevayà kayi te zezuwa he paag̵i: ke edtumanen dey ve is sug̵ù niw he kenè dey ibpenurù is ngazan ni Jesus, wey ke edtumanen dey is ebpeveelan kenami te Megbevayà.

1 Kurintu 15:7

Ne netapus heini is kebpaahaa kandan, mibpaahà sikandin ki Santiago ne zutun mibpaahà med-uman te langun he menge epustul.

Gelasya 1:19

Ne neehè ku zaan dutun si Santiago, sikan is hazi te Nengazen tew he si Jesus, ne wazà duma he epustul he neehè ku zutun, iyan dà sikandan is dezuwa.

Gelasya 2:9

Ne si Santiago, si Pedro, wey si Juan, haazà is menge egalen dutun, hein nesavut dan he insarig kediey te Megbevayà heini is baal ku, mibpekigkumusta zan kenami ki Bernabe he tuus te teltelezuma key pudu is edtuman te ebpeveelan te Megbevayà. Neuyunan dey he iyan key ebpenudtul ziyà te menge etew he kenà Hudiyu ne iyan dan ebpenudtul ziyà te menge Hudiyu.

Santiago 1:1

Iyan a si Santiago is teg̵isurat kayi. Sulug̵uen a te Megbevayà wey te Nengazen tew he si Jesu Kristu. Kemusta kew is langun he menge g̵aked te Megbevayà he nekedsusuwey zini te tungkup te kelibutan.

2 Juan 1:1

Siak is meg̵urang, ebpesuratan ku sikew is bahi he pinilì te Megbevayà wey is menge anak nu. Utew kew mahal zini te g̵ehinawa ku ne kenà dini zà te kedì he g̵ehinawa, kekenà, mahal kew zaan diyà te langun he neketuu te tutuu he tuluuwen.

Hudas 1:1

Siak si Hudas is suled ni Santiago wey is sulug̵uen ni Jesu Kristu. Sikiyu is midhimu te Amey tew he Megbevayà he menge tumutuu he menge minahal zin he midlig-enan ni Jesu Kristu, iyan kew ebpesuratan ku.