Nengeulaula 1:12 - Manobo Western Bukidnon

¹² Ne zutun mid-awà is menge epustul ziyà te vuvungan he egngezanan te Ulivuwan, ne mid-ulì dan diyà te inged he Hiruselim. (Haazà is buvungan, uvey zà te Hiruselim; sengekilumitru zà buwa is keziyù din.)

Nengeulaula 1:12 Кръстосани препратки

Mateo 21:1

Ne hein uvey zan en diyà te inged he Hiruselim su uvey zan te inged he Bitpagi, ne uvey zaan te vuvungan he egngezanan te Ulivuwan, migkeg̵iyan ni Jesus is dezuwa zutun te sumusundan din,

Mateo 24:20

Hamen kew he ed-ampù diyà te Megbevayà he kenà heini meserengà is kebpelag̵uy niw zutun te timpu te meg̵enew wey zutun te Andew te Kedhimeley.

Mateo 24:3

Ne netegteg̵aad dutun mibpinuu si Jesus diyà te vuvungan he egngezanan te Ulivuwan. Ne mid-uvayan en maan sikandin te menge sumusundan din te wazè dan duma su iyan dan dà. Ne ke sikandan te, “Keg̵iyi key ke keenu egkehitavù heini is langun, wey ke hengkey is egkeulaula he tuus wey zey metueni he iyan en kedlikù nu wey kegketapus kayi te timpu?”

Mateo 26:30

Ne zutun migkanta zan te kedalig te Megbevayà ne hein nepasad haazà migawas dan ne midhendiyè dan te vuvungan he egngezanan te Ulivuwan.

Lucas 19:29

Ne hein uvey zan en diyà te inged he Bitpagi wey ziyà te inged he egngezanan te Bitanya he ebpeketekezeg dutun te vuvungan he egngezanan te Ulivuwan, ne midsug̵ù ni Jesus is dezuwa te menge sumusundan din.

Lucas 21:37

Ne kada andew zutun ne ebpenurù si Jesus diyà te simbahan he Valey te Megbevayà. Ne te kada mezukilem ne edhendiyà sikandin te vuvungan he egngezanan te Ulivuwan su zutun sikandin edhizeg̵à.

Lucas 24:50

Ne te nekepasad si Jesus dutun is egkag̵i ne mid-uwit din sikandan diyà te g̵awas te inged he Hiruselim, ne hein diyè dan en te uvey te inged he egngezanan te Bitanya, ne imbayew zin is menge velad din su ebpenubtuvazan din sikandan.

Lucas 24:52

Ne mid-azap dan sikandin ne utew zan nengelipey is mid-ulì diyà te Hiruselim.

Juan 11:18

Is inged he Bitanya, uvey zà te inged he Hiruselim su menge tetelu zà he kilumitru is elang.