Nengeulaula 1:10 - Manobo Western Bukidnon

¹⁰ Ne te kemulu pa sikandan dutun edlingahà diyà te langit, mibpaahà kandan diyà te uvey zan is dezuwa he maama he ebpenganlag is ugelingen dan.

Nengeulaula 1:10 Кръстосани препратки

Mateo 17:2

Ne zutun te kedtengtengi zan ki Jesus, netik-ew mahalin is dagwey zin. Utew merayag is paras din iring te andew. Ne nengenamag is bisti zin te keputì.

Mateo 28:3

Is dagwey zin, ne ebpekesirang su utew merayag, ne utew zaan meputì is ugelingen din.

Marcos 16:5

Ne mid-ahuk dan dutun te idselang te penlevengà ne neehè dan is ebpimpinuu he menguhed he etew ziyà te egkekewanan dan he kukumbalà te meputì he manggad. Ne zutun nekehuyab is gehinawa zan.

Lucas 24:4

Ne zutun utew zan egkengereg̵enan he ebpen-isip-isip; ne netik-ew mebpaahà kandan is dezuwa he maama he ebpemengenamag te keputì is bisti zan.

Juan 20:12

Ne zutun neehè din is dezuwa he velinsug̵uen te Megbevayà he utew meputì is bisti zan. Ebpimpinuu zan dutun te nesevukan te lawa ni Jesus; haazà is sevaha, ne ziyà te egkeulunan ne is sevaha, diyà te egkesikuwayan.

Nengeulaula 10:3

Ne sengeandew te liwazè pa ebpenaug is andew zutun te mahapun, mibpaahà ki Cornelio is belinsug̵uen te Megbevayà. Ne nepurung memelmeleg̵i ni Cornelio haazà. Ne midseled dutun te valey haazà is belinsug̵uen ne migkeg̵iyan din si Cornelio te, “He Cornelio!”

Nengeulaula 10:30

Ne midtavak si Cornelio te, “Heepat en he andew g̵untaan, te iring kayi he uras dini a te valey te liwazè en ebpenaug is andew su ed-ampù a. Netekewtekew a te mibpaahà kedì is maama he ebpenganlag is bisti zin.

Impezayag 3:4

Deisey kew zà diyan te Sardis is wazà mevuringi is bisti zin, he ke và dà egkeg̵iya, wazà medtampu te mezaat he ulaula. Ne ebpekezuma kew kedì he edsun-uzan te meputì su zait kew he ebpekiduma kedì.

Impezayag 7:14

Ne midtavak a te, “Iyan ka nesayud.” Ne ke sikandin te, “Heini is menge etew, ebpemekeuma sikandan he ebpuun dutun te zekelà he kemeresayan diyà te lumpad te kelibutan. Mibpemìpian dan is menge bisti zan diyà te lengesa te nati he kerehidu wey zan mehimu he meputì, he ke và dà egkeg̵iya, nepalis en is menge salè dan.