Mateo 9:9 - Manobo Western Bukidnon

⁹ Ne mid-ewaan sikandan ni Jesus ne zutun te ibayè din neehè din is menunukut te vuhis he egngezanan ki Mateo he zutun he timpu ebpimpinuu ziyà te upisina zin. Migkeg̵iyan ni Jesus te, “Sunud ka kedì.” Ne zutun midhitindeg si Mateo ne midsunud ki Jesus.

Mateo 9:9 Кръстосани препратки

Mateo 10:3

Ne zutun daan si Felipe, si Bartolomeo, si Tomas, si Mateo he iyan kes menunukut te vuhis wey si Santiago he anak ni Alpiyu. Duen daan si Tediyu,

Mateo 20:4

Ne migkeg̵iyan din haazà is menge etew te, ‘Terebahu kew ziyà te perasan ku ne edsuhulan ku sikiyu te hustu.’

Mateo 8:22

Ne midtavak dutun si Jesus te, “Kenà, su iyan edleveng te menge minatey sikan is wazà mekezawat te untung he wazè din pidtemanan. Iyan, sikew mula, duma ka kediey.”

Mateo 9:10

Ne hein egkaan si Jesus wey is menge sumusundan din diyà te valey ni Mateo, mezakel is menge menunukut te vuhis wey menge etew he mesinupaken he nemekeuma ne nemengaan duma kandan.

Lucas 6:15

si Mateo wey si Tomas, si Santiago he anak ni Alpiyu wey sevaha he etew he egngezanan ded daan ki Simon he nevantug tenged te utew mezesen sikandin he edtuman te imbilinbilin he kesug̵uan,

Nengeulaula 1:13

Ne hein nekeuma zan diyà te Hiruselim, mid-ulì dan diyà te rug̵u he zivavew ziyà te valey he dus endanas he ubpeey zan. Iyan heini ensi Pedro, si Juan, si Santiago, si Andres, si Felipe, si Tomas, si Bartolome, si Mateo, si Santiago he anak ni Alfeo, si Simon Siluti, wey si Hudas he anak ni Santiago.

Gelasya 1:16

Ne hein neisip din he ibpekilala zin en kediey is Anak din he si Jesus su wey ku ikepenudtul is keag̵i ni Jesus diyà te menge etew he kenà menge Hudiyu, wazà a mebpepenurù te minsan hentei he etew;