Mateo 9:27 - Manobo Western Bukidnon

²⁷ Ne zutun te ked-awà ni Jesus dutun, midtelukun kandin is dezuwa he lakap. Ne haazà is menge lakap, mid-umew zan ki Jesus is edhangyù te, “Kehizuwi key kenikew, su iyan ka kes kevuwazan te hadì dengan he si David!”

Mateo 9:27 Кръстосани препратки

Mateo 1:1

Iyan heini kes gug̵ud te kepuun ni Jesu Kristu. Kevuwazan si Jesu Kristu ni Hadì David dengan. Ne si David, kevuwazan ni Abraham.

Mateo 15:22

Ne zuen dutun nekeubpà he vahi he tigKenaan. Ne midtelavuk haazà ki Jesus su edhangyù, ke sikandin te, “He Zatù he kevuwazan ni Hadì David, kehizuwi a kenikew su zuen anak ku he vahi he egkerasey utew su edlelungen te mezaat he mulin-ulin.”

Mateo 17:15

Ke sikandin te, “Datù, kehizuwi nu is anak ku. Ebevuyen sikandin ne utew merasey is egkeulaula zin su layun egkeulug diyà te hapuy wey ziyà te wahig.

Mateo 20:29

Ne hein ed-awè dan en diyà te inged he Hiriku utew mezakel he menge etew is nemenduma ki Jesus.

Mateo 21:15

Nengepauk is menge lavew he memumuhat wey menge menunudlù te kesug̵uan dutun hein neehè dan is egkengein-inuwan he mibeelan ni Jesus wey nezineg dan is menge vatà diyà te Valey te Megbevayà he ebpemenhabet egkag̵i te, “Tehuza is kevuwazan ni Hadì David!”

Mateo 21:9

Ne mezakel he menge etew is midhuna ki Jesus, ne mezakel zaan is ebpemeninundug kandin, ne ke sikandan is ebpemengulahì te, “Edtehuzen tew is kevuwazan ni Hadì David. Delig̵a is nekeuma he midsug̵ù te Nengazen. Sikiyu is diyà te langit, tehuza niw zaan sikandin!”

Mateo 9:28

Ne hein mid-ulì en si Jesus diyà te valey zin, nekeuma zaan haazà is dezuwa he lakap. Ne migkeg̵iyan din sikandan te, “Edtuu kew ve he egkeulian ku is mata niw?” Ne midtavak dan te, “Uya, Datù, edtuu key.”

Marcos 11:10

Delig̵a is ebpekeuma he hadì he iyan kes ed-ilis duen te hadì he kepuun tew he si David! Delig̵a is Nengazen!”

Marcos 9:22

Su is mezaat he mulin-ulin, layun din edhimuwa he mekeagbur ziyà te hapuy wey ziyà te wahig su edhimetayan din. Ne emun duen egkehimu nu, ne ikehizu key kenikew ne iawè nu ziyà te kandin heeyan is egezamen din.”

Lucas 17:13

Ne mid-umew zan ki Jesus te, “He Zatù Jesus, ikehizu key kenikew!”

Lucas 20:41

Ne migkag̵i si Jesus diyà te kandan te, “Maan is egkehimu he ibpenurù te menge menunudlù te kesug̵uan he sikan is edteg̵azan he ibpahadì, ne kevuwazan dà ni Hadì David?

Lucas 7:21

Ne zutun he andew, mezakel is menge etew he nengeulian ni Jesus te menge zaru wey ebpenggezamen dan. Impemeg̵uwè din dutun te menge etew is menge mezaat he mulin-ulin he ebpenlalung kandan ne midhimu zin he mekeahà is mezakel he menge lakap.

Juan 7:42

Su,” ke sikandin, “impesavut te insurat he Lalag te Megbevayà he is hadì he mibpilì te Megbevayà, ne kevuwazan te hadì dengan he si David, ne ziyè kun id-anak te inged he Bitlihim he inged daan dengan ni Hadì David.”

Ruma 1:3

Tudtul heini te keag̵i te Nengazen tew he si Jesu Kristu he Anak te Megbevayà. Ne heini si Jesus, nehimu he etew su in-anak sikandin he kevuwazan te tipehuna he hadì he si David.

Ruma 9:5

Mibpilì din dengan is menge kepuun dan. Ne hein mibpeetew si Kristu he iyan Megbevayà he ebayàbayà te langun, in-anak sikandin he zuma zan he Hudiyu. Berakat he zelig̵a sikandin te wazè din pidtemanan.