Mateo 9:26 - Manobo Western Bukidnon

²⁶ Ne nevantug heini is neulaula ziyà te langun he menge siringan he menge inged dutun.

Mateo 9:26 Кръстосани препратки

Mateo 4:24

Ne nevantug si Jesus diyà te tivuuk he nasyun he Sirya. Ne tenged kayi mibpen-uwit dan diyà te kandin is langun he egkengezeruwan wey is egkengesekitan te ebarangbarang en he egezamen, iring te menge edlelungen te mezaat he mulin-ulin, menge ebevuyen, wey menge etew he minatey is divaluy he lawa, ne nengeulian ni Jesus heini is langun.

Mateo 9:31

Iyan, te ked-awè dan dutun nasì dan mibantug si Jesus diyà te langun he menge siringan dutun he inged.

Marcos 1:28

Ne pinaag̵i zutun segugunà nekeeneb is bentug̵an ni Jesus diyà te tivuuk he prubinsya he Geliliya.

Marcos 1:45

Iyan, hein mid-awà dutun haazà is etew, midtudtul zin haazà is nehimu ziyà te kandin diyà te minsan hentei. Ne tenged dutun kenè en maan si Jesus ebpekepeg̵awag̵awa ke edhendutun te menge inged su egkeamur-amur is mezakel he menge etew. Diyè dà si Jesus edrig̵urig̵u te menge unayan. Ne midangep kandin is menge etew he ebpemuun diyà te minsan hendei he inged.

Marcos 6:14

Ne nezineg ni Hadì Hirudis is tudtul kayi te mid-ulaula eni Jesus su nevantug en si Jesus diyà te minsan hendei zutun. Ne zuen menge etew he migkag̵i te, “Heini si Jesus, ne iyan si Juan Megbebewtismu he nevanhew umba zuen din gehem wey zin meveeli is menge iring kayi he singyal.”

Lucas 4:14

Ne zutun mid-ulì si Jesus diyà te prubinsya he Geliliya ne zekelà diyà te kandin is gehem te Wag̵as he Mulin-ulin. Ne segugunà nekeeneb diyà te langun he menge inged dutun is tudtul mehitenged ki Jesus.

Lucas 4:37

Ne zutun pinaag̵i kayi nekeeneb haazà is bentug̵an ni Jesus diyà te langun he menge inged he uvey zutun.

Lucas 5:15

Iyan, minsan pa zutun, nekeeneb diyà te meziyù is bentug̵an ni Jesus ne tenged dutun utew mezakel he menge etew is ebpemenhendutun te kandin wey zan mezineg is kebpenurù din ne wey zaan meulii sikandan te menge zaru zan.

Lucas 7:17

Ne haazà is tudtul te mid-ulaula ni Jesus, ne segugunà nekeeneb diyà te tivuuk he menge inged te prubinsya he Hudiya wey ziyà te zuma pa he menge inged he nekepeg̵ilid dutun.

Nengeulaula 26:26

Sikew, Hadì Egripa, kenà a egkelenew he egkag̵i kenikew su netuenan ku he netuenan nu he zaan is langun he egkeg̵iyen ku. Netuenan nu iyan su heini is nengeulaula, wazà mekeeles.