Mateo 9:24 - Manobo Western Bukidnon

²⁴ ne migkeg̵iyan ni Jesus sikandan te, “Pemen-awè kew is langun. Wazà mebpatey heeyan is batà, kekenà, midlipezeng.” Ne mid-engitan dutun te menge etew si Jesus.

Mateo 9:24 Кръстосани препратки

Marcos 5:40

Ne te kegkezineg̵a zan dutun te migkag̵i ni Jesus ne và dan dà mid-engiti sikandin. Ne zutun impaawà ni Jesus is menge etew zutun te valey. Iyan dà wazè din ipaawà is amey wey iney zutun te vatà wey is tetelu he menge sumusundan din. Ne miduma zin sikandan dutun te mibperey-asan te vatà.

Lucas 8:53

Ne te kegkezineg̵a zan dutun te migkag̵i ni Jesus, ne và dan dà mid-engiti su netuenan dan he minatey en iyan haazà is batà.

Juan 11:4

Ne hein nezineg haazà ni Jesus migkag̵i te, “Kenà ibpatey ni Lazaro is daru zin, kekenà, iyan ketezengan ke maan is egkezeruwan sikandin su wey mevantug is Megbevayà ne wey e zaan mevantug is Anak te Megbevayà.”

Nengeulaula 20:10

Ne mibeyaan ni Pablo ne midlengkevan din ne migkepkepan din. “Kenè kew meseeng,” ke si Pablo, “su neuyag en.”

Nengeulaula 9:40

Ne impeg̵awas ni Pedro is langun te sikandan ne midluhud sikandin is ed-ampù diyà te Megbevayà. Ne zutun midsineruwan din haazà is lawa zutun te minatey ne ke sikandin te, “He Tebita, enew ka.” Ne migimerat si Tebita ne neehè din si Pedro, ne mid-enew ne mibpinuu.