Mateo 9:22 - Manobo Western Bukidnon

²² Ne midlingì si Jesus ne neehè din haazà is bahi ne ke sikandin te, “Bayi, kenè ka mahandek; su umba neulian ka te zaru nu su midsarig ka kedì.” Ne zutundutun neulian haazà is bahi.

Mateo 9:22 Кръстосани препратки

Mateo 15:28

Ne migkeg̵iyan ni Jesus haazà is bahi te, “Bayi,” ke sikandin, “utew zekelà is kedtuu nu te Megbevayà. Ne ibeg̵ey ku kenikew is ebuyuen nu.” Ne zutundutun neulian haazà is anak dutun te vahi.

Mateo 17:18

Ne midawey ni Jesus is mezaat he mulin-ulin he edlalung dutun te vatà ne impeg̵uwè din ne zutundutun neulian haazà is batà.

Mateo 8:13

Ne zutun migkeg̵iyan ni Jesus kes kepitan te, “Ulì ka; ne sumalà is midtuuwan nu iyan daan ed-ul-ulahan ku.” Ne zutundutun neulian haazà is sulug̵uen kayi te kepitan.

Mateo 9:2

Ne nemekeuma is menge etew he ed-uwit diyà te ki Jesus te minatey is divaluy he lawa zin he ziyà ipehizeg̵à te zuyanà he ebintingen. Hein nesavut ni Jesus he zekelà is kedsarig dan kandin, migkeg̵iyan din haazà is minatey is divaluy he lawa te, “Mama, mebmeupiya is gehinawa nu, su nepesaylu en is menge salè nu.”

Mateo 9:29

Ne zutun midampà ni Jesus is mata zan ne ke sikandin te, “Berakat he meulii kew tenged te kedtuu niw.”

Marcos 10:52

Ne ke si Jesus te, “Is kedsarig nu kediey, iyan igkeulii te menge mata nu. Genat kad.” Ne segugunà nekeahà haazà is menge mata zutun te lakap ne miduma sikandin ki Jesus dutun te hipenawan din.

Marcos 5:34

Ne zutun, migkag̵i si Jesus te, “Bayi, umba neulian ka te zaru nu su midsarig ka kedì. Ulì ke en ne mebmelinawen is kebpekesavuk nu ne kenè ke en maan mezeruwi.”

Lucas 17:19

Ne migkeg̵iyan ni Jesus te, “Mama, hitindeg ke en ne hipanew kad. Is kedsarig nu te Megbevayà ne iyan nekelibri kenikew te silut.”

Lucas 18:42

Ne migkag̵i si Jesus te, “Mekeehè ke en; is kedsarig nu kediey, ne iyan igkeulii te menge mata nu.”

Lucas 7:50

Ne mid-uman megkag̵i si Jesus dutun te vahi, ke sikandin te, “Na, ulì ke en, Bayi, ne mebmelinawen en is kebpekesavuk nu. Nelibri ke en te silut tenged te midsarig ka te Megbevayà.”

Lucas 8:48

Ne migkag̵i kandin si Jesus te, “Bayi, umba neulian ka te zaru nu su midsarig ka kedì. Ulì ke en ne mebmelinawen is kebpekesavuk nu.”

Juan 4:53

Ne zutun netenuzan te etew he iyan haazà kes timpu he migkag̵i si Jesus diyà te kandin te neulian en is anak din. Ne tenged dutun neketuu haazà is etew zuma is pemilya zin.

Nengeulaula 14:9

Ne mibpemineg din is menge lalag ni Pablo. Ne zutun netuenan ni Pablo he zuen kedtuu zutun te etew su wey meulii. Ne midtengtengan sikandin ni Pablo

Nengeulaula 16:18

Ne kada andew zutun iyan en haazà ed-ul-ulahan din. Ne te malù neug̵et, si Pablo, kenè en ebpekeantus ne midlilingey ne migkeg̵iyan din haazà is mezaat he mulin-ulin te, “Pinaag̵i te g̵ehem te ngazan ni Jesu Kristu, egkeg̵iyan ku sikew he med-awè ka keniyan te vahi!” Ne zutundutun mid-ewaan haazà is bahi te mezaat he mulin-ulin.

Hibriyuhanen 4:2

Su sikitew, nezineg tew zaan is kebpenudtula te Meupiya he Tudtulanen iring te menge g̵in-epuan tew zengan. Iyan, minsan te nezineg dan is impesavut kandan te Megbevayà, wazà pulus kayi ziyà te kandan su zutun te kegkezineg̵a zan kayi, wazè dan tuuwi.