Mateo 9:19 - Manobo Western Bukidnon

¹⁹ Ne midhitindeg si Jesus ne miduma kandin, ne miduma zaan is menge sumusundan ni Jesus.

Mateo 9:19 Кръстосани препратки

Mateo 8:7

Ne migkag̵i si Jesus te, “Edhendiyan a ne ebewian ku wey sikandin meulii.”

Mateo 9:18

Ne te kemulu pa zutun egkag̵ikag̵i si Jesus, duen nekeuma he sevaha he pengulu te menge Hudiyu. Ne zutun midluhud sikandin diyà te etuvangan ni Jesus ne midhangyù he ke sikandin te, “Minatey g̵eina is anak ku he vahi, iyan, emun ebayaan nu ne edepenetan nu te velad nu ne egkevanhew sikandin.”

Mateo 9:20

Ne hein diyè dan en te zalan duen mid-uvey he sevaha he vahi ziyà te iniyug̵an ni Jesus. Ne haazà is bahi, duen din daru. Sepulù en wey zezuwa he tuig is kegkevusbusi kandin ne kenà ed-engked. Ne egkeisip din he emun egkekevit din is minsan kumbalè dà ni Jesus, egkeulian en sikandin. Ne zutun nekevit din is sidsid te kumbalà ni Jesus.

Juan 4:34

“Iring te egkekaan ku,” ke si Jesus, “is kedtumana ku te egkesuatan te Megbevayà he midsug̵ù kediey wey is kedhimesaza ku te impeveelan din kediey su iyan ibmezesen ku.

Nengeulaula 10:38

Si Jesus he tigNeserit, mibpeulinan sikandin te Megbevayà te Wag̵as he Mulin-ulin ne mibeg̵ayan sikandin te zekelà he g̵ehem. Ne mid-eneb din is menge inged ne meupiya is baal zin diyà te menge etew ne nengeulian din is langun he edlelungen ni Setanas. Neveelan din heini su kenà edsuwey kandin is Megbevayà.