Mateo 9:18 - Manobo Western Bukidnon

¹⁸ Ne te kemulu pa zutun egkag̵ikag̵i si Jesus, duen nekeuma he sevaha he pengulu te menge Hudiyu. Ne zutun midluhud sikandin diyà te etuvangan ni Jesus ne midhangyù he ke sikandin te, “Minatey g̵eina is anak ku he vahi, iyan, emun ebayaan nu ne edepenetan nu te velad nu ne egkevanhew sikandin.”

Mateo 9:18 Кръстосани препратки

Mateo 14:33

Ne is menge zuma he menge sumusundan din dutun te avang, mid-azap dan ki Jesus he ke sikandan te, “Benar iyan he Anak ka te Megbevayà!”

Mateo 15:25

Ne zutun mid-uvey haazà is bahi ne midluhud diyà te etuvangan ni Jesus is edhenduen te, “Datù, tevangi a!”

Mateo 17:14

Ne hein neumahan dan sikan is mezakel he menge etew, ne zuen etew zutun he mid-uvey ziyà te ki Jesus ne midluhud diyà te etuvangan din.

Mateo 20:20

Ne zutun mid-uvey ziyà te ki Jesus is esawa ni Sibidiyu zuma is dezuwa he anak din he maama. Midluhud sikandin diyà te etuvangan ni Jesus su zuen ebuyuen din.

Mateo 28:17

Ne zutun neehè dan sikandin. Ne minsan te nezuwazuwa is duma kandan he edtuu mehitenged te kegkevanhew zin, dutun te kegkeahaa zan kandin, mid-azap dan kandin.

Mateo 8:2

Ne zutun, duen it-iten he mid-uvey ziyà te kandin. Ne heini is it-iten, midluhuzan din si Jesus ne migkag̵i te, “He Zatù, emun meupiya zà te g̵ehinawa nu netuenan ku he egkeulian a kenikew kayi te utew meremerik he egezamen ku.”

Mateo 8:25

Ne mid-uvayan sikandin te menge zuma zin su ebpukawen dan. “Tevangi key, Datù,” ke sikandan, “su egkelavu en heini is avang ne egkengeg̵erè kiw en.”

Mateo 9:17

Iring din ded daan sikan is binu he sikan pa ebeeli he idtag̵ù diyà te teleg̵uey te vinu he lundis te kambing, su kenà egkehimu he ziyà idtag̵ù te zaan he teleg̵uey su ebetu haazà is teleg̵uey ne egkeulaan is binu ne egkezeetan daan is teleg̵uey. Kinahanglan he is binu he sikan pa ebeeli, ne ziyà idtag̵ù te veg̵u he teleg̵uey. Ne zutun kenà egkezeetan haazà is binu wey haazà is teleg̵uey.”

Mateo 9:19

Ne midhitindeg si Jesus ne miduma kandin, ne miduma zaan is menge sumusundan ni Jesus.

Mateo 9:24

ne migkeg̵iyan ni Jesus sikandan te, “Pemen-awè kew is langun. Wazà mebpatey heeyan is batà, kekenà, midlipezeng.” Ne mid-engitan dutun te menge etew si Jesus.

Lucas 13:14

Ne is egalen dutun te simbahan, utew nepauk dutun te kebpemawì ni Jesus dutun te Andew te Kedhimeley. Ne ke sikandin diyà te menge etew te, “Seled te heenem he andew is kedterebahu tew te sengesimana. Emun ebpevawì kew zutun he timpu ne meupiya, iyan, kenè kew pevawì guntaan te Andew te Kedhimeley!”

Lucas 18:18

Ne zuen timpu he zuen sevaha he punuan he Hudiyu he mid-insà ki Jesus te, “He Zatù, utew meupiya is menge ulaula nu. Hengkey is ed-ul-ulahan ku wey a meveg̵ayi te untung he wazà pidtemanan?”

Lucas 7:2

Ne zuen dutun etew he kenà Hudiyu he kepitan te nenggatus he sundaru he zuen din sulug̵uen he maama he utew zin minahal. Ne heini is sulug̵uen ne egketigbak is egkezeruwan su edluwàluwè en te g̵ehinawa.

Juan 11:25

Ne migkag̵i si Jesus te, “Iyan a sikan is ebpemanhew; iyan a kes ebeg̵ey te untung. Ke zuen etew he edtuu kedì, minsan ke ebpatey, uuyag gihapun is gimukud din.

Juan 11:32

Hein nekeuma si Maria ziyà te ki Jesus, mid-uvey ziyà te kandin ne midluhud. Ne ke sikandin te, “Angin ke zini ka pezem su kenà ebpatey kes meemahan ku.”

Nengeulaula 13:15

Ne zuen mibasa ziyà te insurat he kesug̵uan wey ziyà te menge surat te ebpemeneuven dengan. Ne hein neipus haazà, mibpeinsaan ensi Pablo te menge egalen dutun te simbahan te, “Menge suled, ke zuen niw ibpesavut he ibmelig-en te kedtuu kayi te nengetig̵um he etew, ebpemineg̵en dey.”

Nengeulaula 28:8

Nezeruwan is amey ni Publiyu. Edhidhizeg̵à su edetengen wey mesakit is getek din. Ne midseled si Pablo zutun te rug̵u zin ne in-ampù din. Midepenetan din haazà ne neulian.