Mateo 9:17 - Manobo Western Bukidnon

¹⁷ Iring din ded daan sikan is binu he sikan pa ebeeli he idtag̵ù diyà te teleg̵uey te vinu he lundis te kambing, su kenà egkehimu he ziyà idtag̵ù te zaan he teleg̵uey su ebetu haazà is teleg̵uey ne egkeulaan is binu ne egkezeetan daan is teleg̵uey. Kinahanglan he is binu he sikan pa ebeeli, ne ziyà idtag̵ù te veg̵u he teleg̵uey. Ne zutun kenà egkezeetan haazà is binu wey haazà is teleg̵uey.”

Mateo 9:17 Кръстосани препратки

Mateo 9:16

Ne zutun insempità ni Jesus is kenà kebpeked-amur te veg̵u he penurù din wey te zaan he tuluuwen. Ke sikandin te, “Is beg̵u he manggad he wazè pa megkenseng, kenà meupiya he idapi te kumbalà he merunut en, su emun ebpìpian, ne egkenseng ne egkevindas haazà is daan tenged dutun te veg̵u ne tuwas pa he meluag is kegkevindas dutun te kumbalà.

Mateo 9:18

Ne te kemulu pa zutun egkag̵ikag̵i si Jesus, duen nekeuma he sevaha he pengulu te menge Hudiyu. Ne zutun midluhud sikandin diyà te etuvangan ni Jesus ne midhangyù he ke sikandin te, “Minatey g̵eina is anak ku he vahi, iyan, emun ebayaan nu ne edepenetan nu te velad nu ne egkevanhew sikandin.”

Marcos 2:22

Ne iring din ded daan is binu he sikan pa ebeeli he idtag̵ù diyà te teleg̵uey he lundis te kambing. Kenà egkehimu he ziyà itag̵ù te zaan he teleg̵uey su ebetu haazà is teleg̵uey ne egkeulaan haazà is binu ne egkezeetan daan haazà is teleg̵uey. Kinahanglan he is binu he sikan pa ebeeli, ne ziyà idtag̵ù te veg̵u he teleg̵uey.”

Lucas 5:37

Ne iring din ded daan,” ke si Jesus, “is binu he sikan pa ebeeli he idtag̵ù diyà te teleg̵uey he lundis te kambing. Kenà egkehimu he ziyà idtag̵ù te zaan he teleg̵uey su ebetu is teleg̵uey ne egkeulaan haazà is binu ne egkezeetan daan is teleg̵uey.

Lucas 5:38

Kinahanglan he sikan is binu he sikan pa ebeeli, diyà idtag̵ù te veg̵u en he teleg̵uey.