Mateo 9:13 - Manobo Western Bukidnon

¹³ Susiya niw ke hengkey is kehulug̵an duen te insurat he Lalag te Megbevayà he egkag̵i te, ‘Kenè ku iyan egkesuatan is kebpemuhat niw, kekenà, iyan egkesuatan ku is kebpekedhihizuwè niw.’ ” Ne mid-uman megkag̵i si Jesus te, “Siak, wazà a medhendini wey ku ikepeengked te ed-ulaula te mezaat is menge metazeng, kekenà, iyan is menge mesinupaken te Megbevayà.”

Mateo 9:13 Кръстосани препратки

Mateo 12:3

Ne midtavak si Jesus te, “Kenà egkehimu he wazè niw mevasa ziyà te ingkesurat dengan kes mid-ulaula ni Hadì David. Sikandin wey is menge sundaru zin, nengevitil zan.

Mateo 12:5

Kenà daan egkehimu he wazè niw mevasa ziyà te ingkesurat ni Moises he is menge memumuhat diyà te Valey te Megbevayà, emun Andew te Kedhimeley kenè dan edhimeley, ne minsan pa zutun kenè dan ebpekesalà.

Mateo 12:7

Duen daan insurat he Lalag te Megbevayà he egkag̵i te, ‘Kenà iyan mahal zini te g̵ehinawa ku is menge pemuhat niw, kekenà, iyan is kegkehizu niw te zuma niw.’ ” Ne mid-uman megkag̵i si Jesus te, “Ke hustu is kedsevuta niw kayi te ingkesurat, wazè niw g̵eina mesewayi is wazè din salà.

Mateo 19:4

Ne midtavak si Jesus te, “Wazè niw ves mevasa sikan is insurat he Lalag te Megbevayà

Mateo 21:42

Ne migkag̵i si Jesus te, “Siguradu nevasa niw en sikan is insurat he Lalag te Megbevayà he edhenduen te, ‘Sikan is batu he himan te valey, mid-engkezan te menge pandey su kunaan dan ke wazè din pulus. Ne heini, nehimu en guntaan he vatu he iyan dà ebpekepurung te valey. Ulaula heini te Nengazen, ne igkeinuinu tew utew.’

Mateo 3:2

Ke sikandin te, “Iniyug̵i niw is memezaat he ulaula su meg̵aan en edhadì kenitew is Megbevayà he ziyà te langit.”

Mateo 3:8

Emun tutuu he mid-iniyug̵an niw en is ulaula niw he mezaat, ipeehè niw pinaag̵i te menge meupiya he vaal niw.

Mateo 4:17

Ne puun dutun midweliyan ni Jesus is menge etew. Ke sikandin te, “Iniyug̵i niw is memezaat he ulaula niw, su meg̵aan en edhadì keniyu is Megbevayà he ziyà te langit.”

Marcos 12:26

Ne mehitenged te menge minatey he ebenhawen, wazè niw ve mevasa ziyà te libru he insurat dengan ni Moises kes egkeregreg he sagbet he zutun mibpaahà kandin is Megbevayà? Su minsan te minatey en dutun si Abraham wey si Isaak wey si Hakub, migkag̵i is Megbevayà diyà te ki Moises te, ‘Iyan a Megbevayà he ed-ezapen ni Abraham wey ni Isaak wey ni Hakub,’

Marcos 12:33

Ne is kebmahala ta te Megbevayà he Nengazen diyà te g̵ehinawa ta, diyà te isip ta, diyà te kedsavut ta wey ziyà te tivuuk he ulaula ta, wey is kebmahala ta te zuma ta he iring en sikandin te keugelingen ta he g̵ehinawa, ne lavew pa heini kenà te langun he menge pemuhat he edtutungen wey menge halad.”

Marcos 2:17

Nezineg haazà ni Jesus ne midtavak sikandin pinaag̵i te sempità, ke sikandin te, “Sikan is wazè din daru, ne kenà egkinahanglan he ebewian, kekenà, iyan dà sikan is duen din daru. Siak, wazà a medhendini wey ku ikepeengked te ed-ulaula te mezaat is menge metazeng, kekenà, iyan is menge mesinupaken te Megbevayà.”

Lucas 10:26

Ne midtavak si Jesus te, “Hengkey is nekag̵i te kesug̵uan te Megbevayà he imbilinbilin ni Moises? Hengkey is kedsevuta nu te nengevasa nu?”

Lucas 19:10

Ne siak is Kakey te Menusiyà, iyan inhendini ku te kelibutan su wey ku melibri te silut is langun he nemekesuwey te hustu he ibayà.”

Lucas 24:47

Ne ibpesavut daan dutun he kinahanglan he edsug̵uen ku sikiyu te kebpenudtul te Meupiya he Tudtulanen. Ebpuunan niw is kebpenudtul niw zini te Hiruselim ne ieneb niw heini ipesavut te tivuuk he kelibutan. Ipesavut niw he kinahanglan he ed-iniyug̵an te menge etew is memezaat he ulaula ne human dan ebpeseyluwa te Megbevayà.

Lucas 5:31

Ne iyan midtavak dutun si Jesus, ke sikandin te, “Sikan is wazè din daru, ne kenà egkinahanglan he ebewian, kekenà, iyan dà is duen din daru.

Lucas 5:32

Siak, wazà a medhendini wey ku ikepeiniyug te ked-ulaula te mezaat is menge metazeng, kekenà, iyan is mesinupaken te Megbevayà.”

Juan 10:34

Ne midtavak si Jesus te, “Duen insurat he Lalag te Megbevayà diyà te kesug̵uan tew he edhenduen te, ‘Migkag̵i ku he menge megbevayè kew.’ ”

Nengeulaula 11:18

Ne hein nezineg te menge tumutuu he Hudiyu haazà is ketezengan ni Pedro, mid-engkezan dan is kedsewaya zan kandin ne midalig dan is Megbevayà su ke sikandan te, “Mibulusan en bes te Megbevayà is menge kenà Hudiyu wey zan daan meiniyug̵i is mezaat he ulaula wey zan mezawat is untung he wazà pidtemanan.”

Nengeulaula 2:38

Ne midtavak si Pedro te, “Kada sevaha keniyu, iniyug̵i zin is mezaat he ulaula zin ne mebpebewtismu wey metueni he ebpekidsevaha sikandin ki Jesu Kristu. Ne human egkepesaylu is menge salè din ne is Wag̵as he Mulin-ulin, ibeg̵ey kandin te Megbevayà.

Nengeulaula 20:21

Hudiyu se kenà Hudiyu, ne wazè ku impelavi su pudu ku midweliyi he kinahanglan he edtumanen dan is ebpeveelan kandan te Megbevayà he iniyug̵i zan is menge mezaat he ulaula zan ne medtuu zan te Nengazen tew he si Jesus.

Nengeulaula 3:19

Ne g̵untaan kinahanglan he ed-iniyug̵an tew en is memezaat he ulaula. Ed-empuan tew is Nengazen ne ebpeseyluwen kiw zin te menge salè tew. Ne zutun duen timpu he ebeg̵ayan is gehinawa tew te zesen he ziyà ebpuun te kandin.

Nengeulaula 5:31

Ne midtulus din en ne ziyè en sikandin te zapit te egkekewanan te Megbevayà. Sikitew is menge kevuwazan ni Israyil, egalen tew sikandin wey iyan kenitew edlibri te silut. Ne ebpeiniyug̵an din kenitew is mezaat he ulaula ne ebpeseyluwen kiw zin.

2 Pedro 3:9

Kunaan te zuma ke edlanganlangan is Nengazen su maan is kenè din edtumanen is pesarig din he edlikù sikandin. Kenà sikandin edlanganlangan, kekenà, utew sikandin mepelevayen keniyu su kenè din egkesuatan he zuen minsan sevaha he kenà egkelibri te silut. Egkesuatan din he meiniyug̵i te langun is menge ulaula zan he mezaat.