Mateo 9:11 - Manobo Western Bukidnon

¹¹ Duen menge Perisiyu he nekeahà dutun te menge etew. Ne migkeg̵iyan dan is menge sumusundan ni Jesus te, “Is egalen niw, maan is egkaan wey ed-inum duma te menge limbungan he menunukut te vuhis wey menge mesinupaken?”

Mateo 9:11 Кръстосани препратки

Mateo 11:19

Ne siak is Kakey te Menusiyà, wazà a medsalang megkaan ne mid-inum a mulà te vinu ne neinuinu kew ne migkag̵i niw he vuleg̵uk a wey pereinum te vinu. Ne ke sikiyu zaan he emig̵u a te menge lalung he etew iring te menunukut te vuhis wey menge mesinupaken. Iyan,” ke si Jesus, “egketuusan ta he utew metau is Megbevayà pinaag̵i te egkeveelan din.”

Mateo 5:46

Kenè niw isipa he edsuhulan kew te Megbevayà ke iyan dà ebpurungan niw is ebpurung daan keniyu; su minsan is menge menunukut te vuhis he limbung is ulaula zan, ebpurungan dan daan is ebpurung kandan.

Mateo 9:10

Ne hein egkaan si Jesus wey is menge sumusundan din diyà te valey ni Mateo, mezakel is menge menunukut te vuhis wey menge etew he mesinupaken he nemekeuma ne nemengaan duma kandan.

Marcos 2:16

Ne zuen dutun daan menge Perisiyu he menge menunudlù te kesug̵uan. Ne hein neehè dan he egkaan si Jesus duma zutun te menge mesinupaken wey menunukut te vuhis, nenginginsà sikandan duen te menge sumusundan ni Jesus, ke sikandan te, “Maan is egkaan si Jesus wey ed-inum duma te menge limbungan he menge menunukut te vuhis wey menge mesinupaken?”

Lucas 19:7

Ne hein nezineg haazà te menge etew is lalag ni Jesus diyà te ki Sekiyu ne wazè dan mesuati ne pesikag̵i sikandan te, “Maan is ebpemenahik si Jesus diyà te valey te etew he utew mesinupaken te Megbevayà?”

Lucas 5:30

Ne zuen menge Perisiyu wey menge menunudlù te kesug̵uan he nekeahà kayi te menge etew. Ne migkeg̵iyan dan is menge sumusundan ni Jesus te, “Maan is egkaan kew wey ed-inum kew zuma te menge limbungan he menunukut te vuhis wey te menge mesinupaken?”

Nengeulaula 11:3

Ne ke sikandan te, “Maan is sikew he Hudiyu, nenumbaley ka ziyà te menge etew he kenà menge Hudiyu he wazà mesirkunsidar ne mibpekidtug̵en ka zaan kandan?”

Gelasya 2:15

Ne impelaus ku haazà is lalag ku te, “Sikita is etew he in-anak he Hudiyu, ne kenè ki iring te menge etew he kenà Hudiyu he egngezanan ta he ‘menge mesinupaken’.

Hibriyuhanen 5:2

Ne tenged te etew zà duen sikandin he layun egkesayep, egkehimu he mepelevayen sikandin te menge zuma zin he etew he egkengesayep daan tenged te kenè dan ebpekesavut.

2 Juan 1:10

Ke zuen ebpekeuma he minsan hentei he ebpenurù te tuluuwen ne kenè din iyan ibpenurù is tutuu he tuluuwen he impenurù ni Kristu, kenè niw ipepemenahik diyan te valey niw. Kenè niw zaan igalewg̵alew sikandin.