Mateo 8:32 - Manobo Western Bukidnon

³² Ne midtavak si Jesus te, “Egkehimu.” Ne mid-awè dan ne midsuukan dan haazà is menge vavuy. Ne is langun he menge vavuy, nemelelag̵uy zan petupang dutun te utew mesilid he kelendig̵an ne mid-agbur zan diyà te ranew zutun ne nengelened dan maamin.

Mateo 8:32 Кръстосани препратки

Mateo 8:31

Midhangyù ki Jesus haazà is menge mezaat he mulin-ulin, ke sikandan te, “Emun edsegseg̵en key kenikew, tug̵uti key he mekesuuk key keniyà te menge vavuy.”

Mateo 8:33

Ne zuen menge etew he ebpemen-elima zutun te menge vavuy, ne nemenhendiyè dan te inged is ebpemelelag̵uy ne midtudtulan dan is menge etew ke hengkey is nehitavù duen te midsuukan te mezaat he mulin-ulin wey kes menge vavuy.

Marcos 5:13

Ne midtug̵utan ni Jesus sikandan. Ne zutun nemengguwà haazà is menge mezaat he mulin-ulin puun dutun te etew ne midsuuk sikandan duen te menge vavuy. Haazà is menge vavuy, menge zezuwa he libu sikandan, ne nemelelag̵uy zan petupang dutun te utew mesilid he kelendig̵an ne mid-agbur zan diyà te ranew zutun ne nengelened dan maamin.

Lucas 8:33

Ne iyan dà haazà, ne mid-awè dan dutun te maama ne midhalin dan dutun te menge vavuy. Ne haazè dà ne nemelelag̵uy haazà is menge vavuy petupang dutun te utew mesilid he kelendig̵an ne mid-agbur zan diyà te ranew ne naamin dan mengelened.

Nengeulaula 2:23

Ne heini si Jesus, impalad te etew keniyu. Ne zaan he netuenan heini te Megbevayà su iyan imbanglis din ki Jesus. Impehimetayan niw sikandin te menge etew he kenà ed-azap te Megbevayà. Ne inransang dan te krus.

Nengeulaula 4:28

Ne mid-uyunan dan ke hengkey is ed-ul-ulahan dan diyà te kandin sumalà is imbanglis nu he meulaula zan.

Impezayag 20:7

Ne emun egketapus haazà is nengkelibu he tuig ne ibpaawè dè pa si Setanas dutun te pirisuwan din.