Mateo 8:31 - Manobo Western Bukidnon

³¹ Midhangyù ki Jesus haazà is menge mezaat he mulin-ulin, ke sikandan te, “Emun edsegseg̵en key kenikew, tug̵uti key he mekesuuk key keniyà te menge vavuy.”

Mateo 8:31 Кръстосани препратки

Mateo 4:24

Ne nevantug si Jesus diyà te tivuuk he nasyun he Sirya. Ne tenged kayi mibpen-uwit dan diyà te kandin is langun he egkengezeruwan wey is egkengesekitan te ebarangbarang en he egezamen, iring te menge edlelungen te mezaat he mulin-ulin, menge ebevuyen, wey menge etew he minatey is divaluy he lawa, ne nengeulian ni Jesus heini is langun.

Mateo 7:6

Ne zutun insempità ni Jesus is menge etew he kenà egkesuat he ebpemineg te Lalag te Megbevayà. Ke sikandin te, “Kenè niw iveg̵ey te asu is butang he mahal ziyà te Megbevayà su kela ke keg̵ata kew zin. Ne kenè niw zaan isawed is menge mahal he ebelieg̵en diyà te etuvangan te menge vavuy su egketekutakan dan dà.

Mateo 8:30

Ne zutun te uvey, duen mezakel he menge vavuy he ebpemenuwal.

Mateo 8:32

Ne midtavak si Jesus te, “Egkehimu.” Ne mid-awè dan ne midsuukan dan haazà is menge vavuy. Ne is langun he menge vavuy, nemelelag̵uy zan petupang dutun te utew mesilid he kelendig̵an ne mid-agbur zan diyà te ranew zutun ne nengelened dan maamin.

Marcos 5:12

Ne sikan is menge mezaat he mulin-ulin, midhangyù dan diyà te ki Jesus te, “Ipehendutun key te menge vavuy wey key mekesuuk diyà te kandan.”

Marcos 5:7

Ne si Jesus, migkeg̵iyan din haazà is mezaat he mulin-ulin te, “Awè ka keniyan te etew!” Ne zutun nengulahì haazà is etew he ke sikandin diyà te ki Jesus te, “Ey! Sikew is anak te utew lavew he Megbevayà, ebmenuwen a kenikew? Edhengyuen ku kenikew he peserig̵a a kenikew he kenè e pa kenikew siluti su kayi ki te etuvangan te Megbevayà!”

Impezayag 12:12

Sikiyu is menge meg̵inged diyà te langit, medlipey kew. Iyan, sikiyu is diyan te tanà wey ziyan te zag̵at, kehizu niw! Su kes mezaat he mulin-ulin he si Setanas, mibpenaug en diyan te keniyu. Ne utew sikandin nererengiti su netuenan din he mevavè dà utew is nesamè din he timpu te kedlalunglalung.”