Mateo 8:3 - Manobo Western Bukidnon

³ Ne midampà sikandin ni Jesus te egkag̵i te, “Utew meupiya te g̵ehinawa ku. Meulii ka.” Ne zutundutun nehanewhanew zutun te etew haazà is it-it din.

Mateo 8:3 Кръстосани препратки

Mateo 12:13

Ne zutun migkeg̵iyan ni Jesus haazà is etew he minatey is menge ug̵at te zivaluy he velad din te, “Ketenga nu, Mama, is belad nu.” Ne migketeng dutun te etew is belad din ne zutundutun neulian haazà he wazà pigeyanan din iring dutun te zivaluy he velad din.

Marcos 1:41

Ne nehizuwan sikandin ni Jesus ne midampè din te egkag̵i te, “Utew meupiya te g̵ehinawa ku; meulii ka.”

Marcos 4:39

Ne zutun nepukew si Jesus ne mid-enew ne migkeg̵iyan din haazà is keramag wey vag̵el he med-engked dan. Ne mid-engked haazà is keramag ne mibmelinew utew haazà is wahig.

Marcos 5:41

Ne hein dutun dan en, migewezan ni Jesus is belad dutun te vatà ne ke sikandin te, “Telita kumi,” he ke và dà egkeg̵iya te, “Bayi, enew kad!”

Marcos 7:34

Ne midlingahà si Jesus diyà te langit ne migeg̵ehinawa te mezalem ne ke sikandin te, “Ipata!” he ke và dà egkeg̵iya, “Mepuwasi!”

Marcos 9:25

Ne naahà ni Jesus he ed-iseg ebmezakel is menge etew zutun, su zuen mezakel he ebpemelelag̵uy pehendutun, ne migkeg̵iyan din haazà is mezaat he mulin-ulin te, “Sikew is mezaat he mulin-ulin he igkevengel wey igkeemew te menge etew, awè ka keniyan te edlelungen nu he vatà. Ne kenè ke en medlikù diyà te kandin!”

Lucas 4:27

Ne iring din ded daan is sevaha he neulaula. Dengan te kaazen daan ni Elisio te sevaha zuen te ebpemeneuven te Megbevayà, mezakel is menge Hudiyu he ebpen-it-iten. Ne wazà Hudiyu he mibewian ni Elisio, kekenà, iyan is etew he kenà Hudiyu he si Naaman he tigSirya,” ke si Jesus.

Lucas 5:13

Ne zutun midampà sikandin ni Jesus te egkag̵i te, “Utew meupiya te g̵ehinawa ku; meulii ka!” Ne segugunà nehanewhanew zutun te etew haazà is it-it din.

Lucas 7:14

Ne mibeyaan din is edlentingen ne migewezan din. Ne nemeketeren haazà is edlanting dutun te minatey ne migkeg̵iyan ni Jesus haazà is edlentingen te, “Mama, enew ka!”

Juan 11:43

Ne te nekag̵i zin heini, midhabet megkag̵i te, “He Lazaro, gawas ka keniyan!”

Juan 15:24

Duen mibeelan ku he neehè dan he menge egkein-inuwan he kenà egkeveelan te minsan hentei he menusiyà. Angin ke wazè dan maahà heini su kenà sikandan egkevesulan tenged te mezaat he mid-ulaula zan kedì. Iyan, neehè dan en ne minsan pa zutun, siak wey is Amey ku, egkuntedahan key zan.

Juan 5:21

Is Amey ku, ebenhawen din is menge minatey ne ibeg̵ey zin kandan is untung. Ne siak is anak din, untung daan is ibeg̵ey ku ziyà te minsan hentei he ebpilien ku.