Mateo 8:27 - Manobo Western Bukidnon

²⁷ Nengeinuinu is langun he menge zuma zin. “Hengkey he etawa heini?” ke sikandan, “su minsan is keramag wey menge vag̵el ne ebpemineg kandin!”

Mateo 8:27 Кръстосани препратки

Mateo 14:33

Ne is menge zuma he menge sumusundan din dutun te avang, mid-azap dan ki Jesus he ke sikandan te, “Benar iyan he Anak ka te Megbevayà!”

Mateo 15:31

Ne utew nengeinuinu is menge etew zutun te nengeehè dan. Su ebpekekag̵i en sikan is emew; ne neulian en sikan is pungkul; sikan is piang, ne ebpekehipanew en; ne sikan is nengelakap, ne ebpekeehè en. Ne midalig dan dutun is Megbevayà he edsimbahan dan te menge kevuwazan ni Israyil.

Mateo 8:10

Ne te nezineg ni Jesus heini, ne utew neinuinu ne ke sikandin diyà te menge etew he nemenduma kandin te, “Wazè ku pa meuma is etew he kevuwazan ni Israyil he iring kayi he utew mezesen is kedtuu zin.

Mateo 8:26

Ne migkag̵i si Jesus, “Maan is egkehandek kew? Maan is kenè kew ebpekesarig kediey?” Ne mid-enew si Jesus ne migkeg̵iyan din haazà is keramag wey haazà is menge vag̵el he med-engked dan. Ne zutun mibmelinew utew.

Mateo 8:28

Ne nekezunggù dan diyà te zehipag te ranew diyà te tanà he sakup te inged he Gedara. Ne zuen midsinug̵ung ki Jesus dutun he zezuwa he etew he ziyà ebpuun te menge surung te pangpang he penlevengà. Midsuukan haazà is dezuwa te menge mezaat he mulin-ulin he ebpekekaid ne tenged kayi egkengehandek is menge etew he ebayà dutun.

Marcos 1:27

Ne utew nengeinuinu is langun he menge etew zutun, ne tenged dutun mibpelelelag̵è dan te, “Hengkey vuwa heini? Kela ke veg̵u en heini he tuluuwen su maan is utew sikandin mekeg̵eg̵ehem te kebayàbayà te minsan menge mezaat he mulin-ulin, ne ebpemineg kandin.”

Marcos 6:51

Ne midruran sikandin dutun te avang dan ne mid-engked haazà is keramag. Ne utew zan si Jesus ingkeinuinu.

Marcos 7:37

Utew zan haazà ingkeinuinu ne ke sikandan te, “Utew meupiya is kebeeli zin kayi te langun su edhimuwen din minsan is kenà ebpekezineg he mekezineg ne sikan is kenà ebpekekag̵i ne ebpekekag̵i!”