Mateo 8:2 - Manobo Western Bukidnon

² Ne zutun, duen it-iten he mid-uvey ziyà te kandin. Ne heini is it-iten, midluhuzan din si Jesus ne migkag̵i te, “He Zatù, emun meupiya zà te g̵ehinawa nu netuenan ku he egkeulian a kenikew kayi te utew meremerik he egezamen ku.”

Mateo 8:2 Кръстосани препратки

Mateo 10:8

Bewii niw is egkengezeruwan, benhawa niw is ebpatey, bewii niw is menge it-iten wey is ebpenlelungen te mezaat he mulin-ulin. Sikan is nezawat niw he ziyà ebpuun te Megbevayà ne wazè din peveyazi keniyu, ne kenè niw zaan peveyazi zuen te edtevangan niw.

Mateo 13:58

Umba kenà mezakel is impeehè din dutun he egkein-inuwan su wazè dan kedtuu kandin.

Mateo 14:33

Ne is menge zuma he menge sumusundan din dutun te avang, mid-azap dan ki Jesus he ke sikandan te, “Benar iyan he Anak ka te Megbevayà!”

Mateo 15:25

Ne zutun mid-uvey haazà is bahi ne midluhud diyà te etuvangan ni Jesus is edhenduen te, “Datù, tevangi a!”

Mateo 18:26

Ne zutun midluhud diyà te etuvangan te hadì haazà is sulug̵uen he edhangyù, ke sikandin te, ‘Ipaakul a kenikew; beg̵ayi e pa te timpu su edleg̵uzan ku heini is bayad ku kenikew ne ebeyazan ku is langun.’

Mateo 2:11

Ne hein midseled dan dutun te valey neehè dan haazà is batà wey is iney zin he si Maria. Ne midluhud dan su ed-ezapen dan haazà is batà. Ne zutun impelepew zan is menge kavan he zutun itagù is ketig̵eyunan dan ne mibeg̵ayan dan sikandin te vulawan wey menge mahal he mehemut he beyewà wey mira.

Mateo 20:20

Ne zutun mid-uvey ziyà te ki Jesus is esawa ni Sibidiyu zuma is dezuwa he anak din he maama. Midluhud sikandin diyà te etuvangan ni Jesus su zuen ebuyuen din.

Mateo 26:6

Ne hein diyà si Jesus te inged he Bitanya, diyà sikandin te valey ni Simun te it-iten he neulian en.

Mateo 28:17

Ne zutun neehè dan sikandin. Ne minsan te nezuwazuwa is duma kandan he edtuu mehitenged te kegkevanhew zin, dutun te kegkeahaa zan kandin, mid-azap dan kandin.

Mateo 28:9

Ne netekewtekew zan te nesinug̵ung sikandan ni Jesus. Ne ke sikandin te, “Mebmelinawen kew.” Ne mid-uvey zan diyà te kandin. Ne mid-azap dan kandin is egawed te paa zin.

Mateo 4:9

Ne migkeg̵iyan ni Setanas te, “Is langun he egkeehè nu, kenikew en, su ibeg̵ey ku kenikew emun edluhuzan a wey ed-ezapen a kenikew.”

Mateo 8:1

Ne midtupang si Jesus ne utew mezakel he menge etew is nemenduma kandin.

Mateo 8:25

Ne mid-uvayan sikandin te menge zuma zin su ebpukawen dan. “Tevangi key, Datù,” ke sikandan, “su egkelavu en heini is avang ne egkengeg̵erè kiw en.”

Mateo 9:18

Ne te kemulu pa zutun egkag̵ikag̵i si Jesus, duen nekeuma he sevaha he pengulu te menge Hudiyu. Ne zutun midluhud sikandin diyà te etuvangan ni Jesus ne midhangyù he ke sikandin te, “Minatey g̵eina is anak ku he vahi, iyan, emun ebayaan nu ne edepenetan nu te velad nu ne egkevanhew sikandin.”

Lucas 4:27

Ne iring din ded daan is sevaha he neulaula. Dengan te kaazen daan ni Elisio te sevaha zuen te ebpemeneuven te Megbevayà, mezakel is menge Hudiyu he ebpen-it-iten. Ne wazà Hudiyu he mibewian ni Elisio, kekenà, iyan is etew he kenà Hudiyu he si Naaman he tigSirya,” ke si Jesus.

Juan 9:38

Ne egkag̵i haazà is etew te, “Emun iyan heeyan, edtuuwan ku sikew.” Ne zutun mid-azap din si Jesus.

Nengeulaula 10:14

Ne midtavak si Pedro te, “Kenà a, Nengazen, su wazè e pa mekekaan te minsan hengkey he meremerik he iring keniyan su indawey te kesug̵uan.”

Nengeulaula 10:25

Ne hein edseled en si Pedro zutun te valey, midsinug̵ung si Cornelio ne midluhud kandin su ed-azap.

Impezayag 19:10

Ne zutun midlangkeb a ziyà te etuvangan din su ed-ezapen ku pezem, iyan, mibensag̵an e zin te, “Kenà a kenikew ezapa su siak wey sikew wey is langun he menge zuma nu he edtuu te tuluuwen he impenurù ni Jesus, neked-iiring kiw zà he menge sulug̵uen te Megbevayà. Iyan nu zà ezapa is Megbevayà!” Umba migkag̵i zin haazà su sikan is ibpekag̵i te Megbevayà dutun te menge ebpeneuven te Megbevayà, ne iyan sikan is tuluuwen he impenurù ni Jesus.