Mateo 8:16 - Manobo Western Bukidnon

¹⁶ Ne hein mahapun dutun duen nemenelavuk ki Jesus he mezakel he menge etew he ebpen-uwit te mezakel he ebpenlelungen te menge mezaat he mulin-ulin. Ne mibpemewian ni Jesus sikandan pinaag̵i zà te lalag din ne nengeulian en sikandan. Ne mibpemewian din daan is langun he nengezeruwan ne nengeulian.

Mateo 8:16 Кръстосани препратки

Mateo 12:22

Ne zutun duen nemekeuma he menge etew he zuen miduma zan he maama he nelakap wey neemew tenged te midsuukan sikandin te mezaat he mulin-ulin. Ne mibewian haazà ni Jesus ne segugunà nekekag̵i wey nekeahà.

Mateo 14:14

Ne hein nekezunggù ensi Jesus, neehè din is mezakel he menge etew. Ne utew zin nengehizuwi sikandan ne mibewian din is egkengezeruwan dutun ne nengeulian.

Mateo 8:15

Ne midampà ni Jesus is belad dà dutun te meritan ne zutundutun neulian. Ne mid-enew haazà is meritan ne midsuba sikandin te ibpekaan din engki Jesus.

Mateo 8:33

Ne zuen menge etew he ebpemen-elima zutun te menge vavuy, ne nemenhendiyè dan te inged is ebpemelelag̵uy ne midtudtulan dan is menge etew ke hengkey is nehitavù duen te midsuukan te mezaat he mulin-ulin wey kes menge vavuy.

Mateo 9:2

Ne nemekeuma is menge etew he ed-uwit diyà te ki Jesus te minatey is divaluy he lawa zin he ziyà ipehizeg̵à te zuyanà he ebintingen. Hein nesavut ni Jesus he zekelà is kedsarig dan kandin, migkeg̵iyan din haazà is minatey is divaluy he lawa te, “Mama, mebmeupiya is gehinawa nu, su nepesaylu en is menge salè nu.”

Marcos 2:3

Ne zutun, duen nemekeuma he menge etew he ed-uwit te sevaha he etew he minatey is divaluy he lawa zin. Ebintingen haazà is etew te heepat he zuma zin.

Marcos 9:25

Ne naahà ni Jesus he ed-iseg ebmezakel is menge etew zutun, su zuen mezakel he ebpemelelag̵uy pehendutun, ne migkeg̵iyan din haazà is mezaat he mulin-ulin te, “Sikew is mezaat he mulin-ulin he igkevengel wey igkeemew te menge etew, awè ka keniyan te edlelungen nu he vatà. Ne kenè ke en medlikù diyà te kandin!”

Lucas 13:12

Ne zutun te kegkeahaa ni Jesus kandin, mid-umew zin ne ke sikandin te, “Ayà, egkeulian ke en keniyan te zaru nu.”

Lucas 4:40

Ne hein edsanlep en is andew, is langun he menge etew he zuen duma zan he egkezeruwan, mibpen-uwit dan diyà te ki Jesus haazà is egkengezeruwan. Ne edempaan dà ni Jesus is kada egkezeruwan dutun ne egkeulian en.

Lucas 4:41

Ne minsan sikan is menge mezaat he mulin-ulin, impemaawè din dutun te menge etew he edlelungen dan. Nemekekulahì haazà is menge mezaat he mulin-ulin he egkag̵i te, “Iyan ka iyan sikan is Anak te Megbevayà!” Iyan, impeengked sikandan ni Jesus su wazè din itug̵ut he zuen egkeg̵iyen dan su netuenan dan he iyan sikandin kes mibpilì te Megbevayà he hadì.

Nengeulaula 5:15

Ne tenged te menge egkein-inuwan he nehimu te menge epustul, mid-uwit te menge etew is menge egkengezeruwan ne impenavuk dan diyà te kilid te menge kersada he impemehizeg̵à diyà te menge ikam wey hizeg̵aan dan su wey melembungi sikandan te alung ni Pedro ke edsag̵ad.