Mateo 8:13 - Manobo Western Bukidnon

¹³ Ne zutun migkeg̵iyan ni Jesus kes kepitan te, “Ulì ka; ne sumalà is midtuuwan nu iyan daan ed-ul-ulahan ku.” Ne zutundutun neulian haazà is sulug̵uen kayi te kepitan.

Mateo 8:13 Кръстосани препратки

Mateo 15:28

Ne migkeg̵iyan ni Jesus haazà is bahi te, “Bayi,” ke sikandin, “utew zekelà is kedtuu nu te Megbevayà. Ne ibeg̵ey ku kenikew is ebuyuen nu.” Ne zutundutun neulian haazà is anak dutun te vahi.

Mateo 17:20

Ne midtavak si Jesus te, “Wazè niw meulii tenged te utew zeisek is kedtuu niw. Tentenuzi niw he ke zuen niw kedtuu, minsan utew zà deisek iring te lisu te mustasa, egkehimu he egkekeg̵iyan niw heini is buvungan he medhalin, ne ebpemineg keniyu. Minsan hengkey, ne egkehimu niw.

Mateo 8:4

Ne migkeg̵iyan ni Jesus te, “Pemineg ka, Mama, kenè nu tudtula ziyà te minsan hentei, kekenà, pehendiyè ka g̵untaan te memumuhat he midhimu te Megbevayà wey zin maahà he neulian ka; ne tumana nu sikan is pemuhat he insug̵ù dengan ni Moises te it-iten, su wey metueni te langun he neulian ka iyan.”

Mateo 9:22

Ne midlingì si Jesus ne neehè din haazà is bahi ne ke sikandin te, “Bayi, kenè ka mahandek; su umba neulian ka te zaru nu su midsarig ka kedì.” Ne zutundutun neulian haazà is bahi.

Marcos 7:29

Ne si Jesus, migkag̵i ziyà te kandin te, “Geina te iyan heeyan lalag nu, ulì ke en su is anak nu, mid-ewaan en sikandin te mezaat he mulin-ulin.”

Marcos 9:23

Ne midtavak si Jesus te, “Maan is id-insè nu ke zuen egkehimu ku? Ibeg̵ey te Megbevayà is minsan hengkey he ebuyuen te etew he zuen din kedtuu te Megbevayà.”

Juan 4:50

Ne midtavak si Jesus te, “Ulì ke en su neulian en is anak nu!” Ne midtuu haazà is etew kayi te migkag̵i ni Jesus ne zutun migenat.