Mateo 8:10 - Manobo Western Bukidnon

¹⁰ Ne te nezineg ni Jesus heini, ne utew neinuinu ne ke sikandin diyà te menge etew he nemenduma kandin te, “Wazè ku pa meuma is etew he kevuwazan ni Israyil he iring kayi he utew mezesen is kedtuu zin.

Mateo 8:10 Кръстосани препратки

Mateo 15:28

Ne migkeg̵iyan ni Jesus haazà is bahi te, “Bayi,” ke sikandin, “utew zekelà is kedtuu nu te Megbevayà. Ne ibeg̵ey ku kenikew is ebuyuen nu.” Ne zutundutun neulian haazà is anak dutun te vahi.

Mateo 8:11

Ne kenè niw lipati heini is egkeg̵iyen ku he mezakel he etew he kenà menge Hudiyu he ziyà ebpemuun te meziyù, diyà te zapit te edsilaan wey ziyà te zapit te edsenlepan, ne ebpekidtug̵en dan keuzemà ki Abraham wey ki Isaak wey ki Hakub diyà te ginhedian te Megbevayà.

Mateo 8:9

Netuenan ku heini su iring te zuen ebayàbayà kedì, ne zuen daan menge sundaru he ebeyveyaan ku. Ne edsug̵uen ku is sevaha he medhipanew ne edhipanew en. Ne edtewag̵en ku is sevaha he medhendini ne edhendini en; ne edsug̵uen ku zaan is sulug̵uen ku ke zuen ebpeveelan ku ne ebeelan din en. Ne iring din ded daan diyan te kenikew su is egkeg̵iyen nu ne egkehimu en.”

Marcos 6:6

Ne utew neinuinu si Jesus su wazà medtuu kandin is menge etew zutun he inged. Ne zutun midtukid ni Jesus te ebpenurù is menge siringan he inged dutun.

Lucas 5:20

Ne hein nesavut ni Jesus he zekelà is kedsarig dan kandin, migkeg̵iyan din heini is etew te, “Mama, nepesaylu en is menge salè nu.”

Lucas 7:50

Ne mid-uman megkag̵i si Jesus dutun te vahi, ke sikandin te, “Na, ulì ke en, Bayi, ne mebmelinawen en is kebpekesavuk nu. Nelibri ke en te silut tenged te midsarig ka te Megbevayà.”

Lucas 7:9

Ne te nezineg ni Jesus heini, ne utew neinuinu. Ne midlingì ne migkag̵i ziyà te mezakel he menge etew he nemenduma kandin te, “Wazè ku pa meuma is etew he kevuwazan ni Israyil he iring kayi he utew mezesen is kedtuu zin!”

Nengeulaula 2:7

Netik-awan dan ne nengeinuinu zan ne mibpein-inseey zan te, “Hengkey vuwa heini? Menge tigGeliliya is egkag̵i.