Mateo 7:20 - Manobo Western Bukidnon

²⁰ Iring din ded daan is menge ebpeneuven kun te Megbevayà he tarù is ibpenurù dan su edsilutan sikandan te Megbevayà. Ne egketuusan niw he teruen sikandan tenged te menge ulaula zan he mezaat.

Mateo 7:20 Кръстосани препратки

Mateo 12:33

Is kayu he wazè din erat, ne meupiya is beg̵as din. Ne is kayu he zuen din erat, ne mezaat is beg̵as din. Egkekilala is kayu pinaag̵i te veg̵as din.

Mateo 7:16

Egketuusan niw he teruen sikandan pinaag̵i te ulaula zan su is banag, kenà ebeg̵as te paras ne is seg̵à, kenà ebeg̵as te igira.

Lucas 6:44

Egketuusan is kada kayu pinaag̵i te veg̵as din, su is banag ne kenà ebpemeg̵as te paras ne is seg̵à ne kenà ebeg̵as te igira.

Nengeulaula 5:38

Ne tenged dutun iyan sambag ku keniyu g̵untaan is: kenè tew en edhilevetan heini is menge etew, kekenà, ebpesegdanen tew su emun diyè dà ebpuun te etew zà duen is ebeelan dan wey ibpenurù dan, egkehanew zed gihapun.

Santiago 3:12

Menge suled, emun ebeg̵as is kayu he igira kenà egkehimu he ulivu is beg̵as din. Ne emun ebeg̵as is gawed he paras kenà egkehimu he igira is beg̵as din. Ke zuen kalut he zutun ebpuun is wahig he mepait, kenà egkehimu he zutun ebpuun is wahig he kenà mepait.