Mateo 7:14 - Manobo Western Bukidnon

¹⁴ Melig̵et mulà is pultahan wey mereg̵en he ed-ikulen is dalan he ibpehendiyà te untung he wazè din pidtemanan ne mezelag dà is ed-ikul kayi.

Mateo 7:14 Кръстосани препратки

Mateo 20:16

Ne migkag̵i si Jesus te, “Is egkengehuziyan guntaan ne iyan egkengehuna keuzemà, ne sikan is egkengehuna g̵untaan ne iyan maan egkengehuziyan keuzemà.”

Mateo 22:14

Ne mid-uman megkag̵i si Jesus te, “Mezakel he menge etew is midtawag te Megbevayà wey zin egkehedii, iyan, mezelag dà is egkepilì din.”

Mateo 7:13

Diyè kew ikul te melig̵et he pultahan he idselang pehendiyà te untung he wazè din pidtemanan su meluag mulà is pultahan wey melemu he ed-ikulen is dalan he ibpehendiyà te Impirnu, ne mezakel he etew is ed-ikul zutun.

Mateo 7:15

Likayi niw is menge ebpeneuven kun te Megbevayà he tarù is ibpenurù dan. Henduen be te hustu sikandan he tumutuu te Megbevayà, iyan, ebpekezezaat is ibpenurù dan.

Marcos 8:34

Ne zutun impeuvey ni Jesus diyà te kandin is menge etew wey menge sumusundan din. Ne ke sikandin te, “Ke zuen egkesuat he edsundan kedì, kinahanglan he iawè din diyà te isip din is kandin he egkesuatan he menge ulaula, ne tianga zin is krus din, he ke và dà egkeg̵iya, kinahanglan he edtumanen din is menge sug̵ù ku minsan pa ke iyan ibpatey zin. Ne human ebpekesunud kedì.

Lucas 12:32

Sikiyu is menge sumusundan ku, kenè kew mahandek. Minsan pa te zeisey kew zà, is Amey niw he Megbevayà, egkesuatan din he medhadì kew iring te edhadì daan sikandin.

Juan 16:2

Su id-awè dan is ketenged niw te kedseled diyà te simbahan, ne kenà iyan dà heini su keuzemà ke zuen edhimatey keniyu, kunaan din ke igkesuat te Megbevayà haazà is mibeelan din.

Juan 16:33

Umba migkag̵i ku keniyu heini is langun su wey mebmelinawen layun is gehinawa niw tenged kediey. Dini te kelibutan ebpesipelahan kew te menge etew he kuntada ku, iyan, kenè kew mahandek su nezaag ku en sikan is egalen te menge kuntada ku!”

Nengeulaula 14:22

Ne impesavut dan te menge tumutuu zutun is ibmezesen te kedtuu zan. Migkag̵i zan kandan he kinahanglan he kenè dan engkezi is kedtuu zan ki Jesus. Ke sikandan te, “Sikita is tumutuu, wey ki zà egkehedii te Megbevayà ke egkeantus ta is mezakel he kemereg̵enan.”

Ruma 12:2

Kenè niw iringi is menge ulaula te menge etew he kuntada te Megbevayà, kekenà, itug̵ut niw he helina kew te Megbevayà pinaag̵i te kebeg̵uwa zin te isip niw. Ne zutun egkesavut niw human is egkesuatan te Megbevayà, he ke và dà egkeg̵iya, egkesavut niw ke hengkey is menge ulaula he metazeng he egkesuatan he kenà egkesewayan te Megbevayà.

Ruma 9:32

Ne maan is wazà heini mehimu? Su iyan dan midserig̵an is keugelingen dan he menge ulaula he meupiya ne wazè dan medtuu ki Jesu Kristu. Ne tenged kayi nehimu sikandan he iring te menge etew he nekesipà te zekelà he vatu ziyà te zalan.